ەۋروپا چەمپيوناتى 2024: قازاقستان قۇراماسى سان-مارينونى ءىرى ەسەپپەن جەڭدى

سان-مارينو - الەمدەگى ءالسىز قۇرامالاردىڭ ءبىرى. قۇرلىقتىق دودانىڭ بيىلعى ىرىكتەۋ ساتىسىندا ەكى ويىندا دا قارسىلاستارىنا ەسە جىبەرىپ قويدى. ال قازاقستان ەنشىسىندە ءبىر جەڭىس، ءبىر جەڭىلىس بار.

كەزدەسۋ بارىسىندا ويىن تىزگىنى نەگىزىنەن قازاقستاندىق فۋتبولشىلار قولىندا بولدى. دەسە دە وعان سان-مارينو لايىقتى قارسىلىق كورسەتتى. كەيبىر ساتتە قازاقستاندىق فۋتبولشىلار تاراپىنان دالدىك جەتىسپەي جاتتى.

ويىننىڭ 37-مينۋتىندا قازاقستاندىق يان ۆوروگوۆسكي وزىنە بەرىلگەن مۇمكىندىكتى ءمۇلت جىبەرگەن جوق.

ال 64-مينۋتتا اسحات تاعىبەرگەن پەنالتيدەن گول سوقسا، 94-مينۋتتا باكتيەر زاينۋتدينوۆ ەسەپتى ۇلعايتتى.

وسىلايشا قازاقستان قارسىلاسىنان 3:0 ەسەبىمەن باسىم ءتۇستى.

سونداي-اق، قازاقستاندىق فۋتبولشىلار ويىن كورسەتەتىن H توبىندا فينليانديا سلوۆەنيانى 2:1 ەسەبىمەن تىزە بۇكتىرسە، دانيا سولتۇستىك يرلانديانى 1:0 ەسەبىمەن جەڭدى.

قازىرگە دەيىن قازاقستان قۇراماسى سلوۆەنيادان 1:2 ەسەبىمەن جەڭىلىپ، دانيانى 3:2 ەسەبىمەن تىزە بۇكتىرگەن ەدى.

ەندى اتالعان توپتا 19- ماۋسىمدا سولتۇستىك يرلانديا مەن قازاقستان، سلوۆەنيا مەن دانيا، فينليانديا مەن سان-مارينو كەزدەسەدى.

16- ماۋسىمدا وتكەن وزگە ويىن ناتيجەلەرى تومەندەگىشە:

B توبى:

گيبرالتار - فرانسيا 0:3

گرەكيا - يرلانديا 2:1

C توبى

مالتا - انگليا 0:4

سولتۇستىك ماكەدونيا - ۋكراينا 2:3

D توبى

ۋەلس - ارمەنيا 2:4

لاتۆيا - تۇركيا 2:3

I توبى

اندوررا - شۆەيتساريا 1:2

بەلارۋس - يزرايل 1:2

كوسوۆو - رۋمىنيا 0:0

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى