تالدىقورعان - وسكەمەن جولىنىڭ قۇرىلىسى 2024-جىلى اياقتالادى
اباي وبلىسىنا جۇمىس ساپارىمەن كەلگەن يندۋستريا جانە ينفراقۇرىلىمدىق دامۋ ءمينيسترى مارات قارابايەۆ وسىلاي دەدى.
ۆەدومستۆو باسشىسىنىڭ ايتۋىنشا، الداعى ۋاقىتتا اقتوبە وبلىسىندا بيتۋم زاۋىتى سالىنادى. بۇل ەلىمىزدىڭ قۇرىلىس سالاسىنداعى بيتۋم تاپشىلىعىن جويۋعا سەپتىگىن تيگىزەدى. ال جاڭادان قۇرىلعان اباي وبلىسىنىڭ ينفراقۇرىلىمىن نىعايتۋ ءۇشىن اۋقىمدى جوبالار ىسكە اسىپ جاتىر. مينيستر جۇمىس ساپارى اياسىندا سەمەي تۇرعىندارىمەن كەزدەسىپ، ءوڭىر حالقىن تولعاندىرىپ جۇرگەن ساۋالدارعا جاۋاپ بەردى.
مارات قارابايەۆ، ق ر يندۋستريا جانە ينفراقۇرىلىمدىق دامۋ ءمينيسترى:
- سۋ سالاسىنىڭ وزىنە 15 ميلليارد تەڭگە قارجى ءبولىنىپ، 39 جوبا ىسكە اسىرىلىپ جاتىر. جىلۋ سالاسىنا 3 جارىم ميلليارد قارجى قاراستىرىلىپ، 7 جوبا ىسكە اسىرىلىپ جاتىر. سول جوبالاردىڭ ءتيىمدى اتقارىلىپ جاتقانىن قاداعالاۋ، ەكىنشى حالىقپەن، ەلمەن- جۇرتپەن كەزدەسىپ، حالىقتىڭ كوكەيىندەگى ماسەلەلەردى تالقىلاۋ. سوعان وراي مينيسترلىكتەگى بارلىق كوميتەت باسشىلارى بىرگە بولدى.
www.24.kz
