دەموكراتيالىق پارتيا اتىنان 2024-جىلى ا ق ش پرەزيدەنتى سايلاۋىنا كىم ءتۇسۋى مۇمكىن
20- قاراشادا ول 80 جاسقا تولدى. ەگەر بايدەن 2024-جىلى قايتا سايلاۋعا تۇسپەسە، دەموكراتتاردىڭ اتىنان ونىڭ ورنىنا ۇمىتكەر بولاتىن بىرنەشە كانديداتۋراسى بار، دەپ حابارلايدى قازاقپاراتتىڭ ا ق ش- تاعى مەنشىكتى ءتىلشىسى Fox News-كە سىلتەمە جاساپ.
ءبىرىنشى بولىپ ا ق ش- تىڭ قازىرگى ۆيتسە-پرەزيدەنتى كامالا حارريستى اتاۋعا بولادى. ول دەموكراتتار اتىنان سايلاۋعا ءتۇسۋى مۇمكىن ۇمىتكەرلەردىڭ ءبىرى رەتىندە قاراستىرىلىپ جاتىر. 58 جاستاعى كاليفورنيانىڭ بۇرىنعى سەناتورى ەل تاريحىنداعى العاشقى ايەل ۆيتسە-پرەزيدەنت. سونداي-اق وسى لاۋازىمعا يە بولعان العاشقى افروامەريكالىق ءارى شىققان تەگى ازيالىق ايەل رەتىندە تاريحقا ەندى.
تاعى ءبىر ۇمىتكەر - كولىك ءمينيسترى پيت بۋتتيدجيگ. ول جاقىندا وتكەن ارالىق سايلاۋ كەزىندە ۇلتتىق دەموكراتيالىق پارتيانىڭ سۇرانىسقا يە ورىنباسارلارىنىڭ ءبىرى بولدى. پ. بۋتتيدجيگ 2020-جىلعى پرەزيدەنت سايلاۋىندا دەموكراتيالىق پارتيا اتىنان كانديداتتاردىڭ ءبىرى بولدى.
81 جاستاعى سەناتور بەرني ساندەرس دج. بايدەننەن ۇلكەن جاسى بولسا دا، ءالى ساياسات ساحناسىنان كەتە قويعان جوق. 2016- جانە 2020-جىلدارى ول اق ءۇيدىڭ باسشىسى بولۋعا ناۋقان جۇرگىزگەن بولاتىن، ءبىراق ەكى رەت تە ساتسىزدىككە ۇشىرادى.
كاليفورنيالىق دەموكرات رو حاننا سوڭعى ايلاردا سيفرلىق تەحنولوگيالار داۋىرىندەگى ار-ۇجدان جايلى ءوزىنىڭ كىتابىن جارنامالاپ، بۇكىل ەلدى ارالاپ شىقتى. ر. حاننا اق ۇيگە ۇمىتكەر بولعىسى كەلەتىنىن جاسىرمايدى. الايدا، ول كاليفورنيا وكرۋگىنەن تىس جەرلەردە اسا تانىمال ەمەس.
دەموكراتتاردا ءتيىمدى ناۋقان ۇيىمداستىرا الاتىن بىرنەشە تانىمال گۋبەرناتور دا بار. ماسەلەن، ميچيگان شتاتىندا گۋبەرناتور گرەتحەن ۋيتمەر رەسپۋبليكاشىلاردىڭ سىنىنا قاراماستان، وسى ايدا قايتا سايلاۋدا جەڭىسكە جەتتى. گ. ۋيتمەر سونىمەن قاتار دج. بايدەننىڭ 2020-جىلعى ناۋقانىندا جەڭىسكە جەتۋىندە شەشۋشى ءرول اتقارعان كاسىپوداقتارمەن تىعىز بايلانىس ورناتقان.
سونداي-اق، كاليفورنيا شتاتىنىڭ گۋبەرناتورى گەۆين نيۋس اق ۇيگە ۇمىتكەر رەتىندە قاراستىرىلىپ جاتىر. نيۋس تە ۋيتمەر سياقتى ەكىنشى مەرزىمگە ايقىن باسىمدىقپەن قايتا سايلاندى.
