2024 -جىلى قازاقستاندىقتار قالاي دەمالادى
ق ر ەڭبەك جانە حالىقتى الەۋمەتتىك قورعاۋ مينيسترلىگى 2024 -جىلعى دەمالىس كۇندەرى تۋرالى تۇسىنىكتەمە بەردى. اسىرەسە كوپتەگەن مەرەكە كۇندەرى جۇما كۇنىنە تۇسەتىندىكتەن، قاتارىنان ءۇش كۇن دەمالۋ مۇمكىندىگى كوپ، دەپ حابارلايدى Kazinform.
جاڭا 2024 -جىلعا ارنالعان رەسمي دەمالىس كۇندەرى – 1، 2-قاڭتار. 2023 -جىلدىڭ سوڭعى سەنبى- جەكسەنبىسى 30 جانە 31-جەلتوقسانعا سايكەس كەلەدى. وسىلايشا، اپتاسىنا 5 كۇن جۇمىس ىستەيتىن قازاقستاندىقتار 4 كۇن قاتارىنان دەمالىسقا شىعا الادى.
سودان كەيىن 3،4،5-قاڭتار - جۇمىس كۇنى. ال 7-قاڭتار - روجدەستۆو مەرەكەسى جەكسەنبى بولعاندىقتان، قوسىمشا دەمالىس كۇنى بەرىلمەيدى. سايكەسىنشە، 5 كۇن جۇمىس ىستەيتىندەر 6، 7-قاڭتاردا ادەتتەگىدەي دەمالادى.
8-ناۋرىز - حالىقارالىق ايەلدەر كۇنى 2024 -جىلى جۇما كۇنىنە كەلەدى. وسىلايشا، 5 كۇندىك جۇمىس اپتاسىنداعى قازاقستاندىقتار 8، 9، 10-ناۋرىز كۇندەرى ءۇش كۇن قاتارىنان دەمالادى. التى كۇندىك جۇمىستاعىلار 8-ناۋرىز دەمالىپ، سەنبى – 9-ناۋرىزدا جۇمىسقا شىعادى.
ناۋرىز مەرەكەسى 21-23-ناۋرىز - بەيسەنبى، جۇما، سەنى كۇندەرىنە تۇسەدى. سەنبى كۇنگى دەمالىس دۇيسەنبى – 25-ناۋرىزعا اۋىستىرىلادى. ياعني، اپتاسىنا 5 كۇن جۇمىس ىستەيتىندەر 21، 22، 23، 24، 25-ناۋرىز كۇندەرى بەس كۇن دەمالادى. ال 6 كۇن جۇمىس ىستەيتىندەر 21، 22، 23، 24-ناۋرىزدا ءتورت كۇن دەمالىپ، دۇيسەنبى 25 ناۋرىزدا جۇمىسقا شىعادى.
«ق ر مەرەكەلەرى تۋرالى» زاڭنىڭ 3-بابىنا سايكەس،-مامىر ايىندا قازاقستاندىقتار ءۇش مەرەكەنى تويلايدى: 1-مامىر - قازاقستان حالقىنىڭ بىرلىگى مەرەكەسى؛ 7-مامىر - وتان قورعاۋشى كۇنى؛ 9-مامىر - جەڭىس كۇنى. بارلىق مەرەكە كۇندەرى اپتانىڭ ورتاسىنا تۇسەدى (1-مامىر - سارسەنبى، 7-مامىر - سەيسەنبى، 9-مامىر - بەيسەنبى) . سوندىقتان قازاقستاندىقتار ءبىر كۇن دەمالىپ، ءبىر كۇن جۇمىس ىستەيدى جانە تاعى ءبىر كۇن دەمالىپ، تاعى دەمالىسقا شىعادى. ازىرگە مينيسترلىك مەرەكە كۇندەرىن اۋىستىرۋ تۋرالى ەش شەشىم قابىلداعان جوق.
دالىرەك ايتقاندا، 5 كۇن جۇمىس ىستەيتىندەر 1-مامىردا دەمالىپ، 2-3-مامىردا جۇمىس ىستەيدى، 4-5-مامىردا (سەنبى- جەكسەنبى) دەمالادى. دۇيسەنبى 6-مامىردا جۇمىس ىستەپ، 7-مامىردا دەمالادى، 8 ى كۇنى تاعى جۇمىس ىستەپ، 9-مامىردا دەمالادى. 10-مامىر جۇما كۇنى جۇمىسقا شىعىپ، 11-12-مامىردا دەمالادى.
التى كۇندىك جۇمىس اپتاسىندا 1-مامىر - دەمالىس، 2،3، 4-مامىر - جۇمىس، 5-مامىر - دەمالىس، 6-مامىر - جۇمىس، 7 سى - دەمالىس، 8 ى - جۇمىس، 9 ى - دەمالىس، 10،11-مامىر - جۇمىس، 12-مامىر - جەكسەنبىلىك دەمالىس.
2024 -جىلى قۇربان ايت مەرەكەسى شامامەن 16-ماۋسىمعا سايكەس كەلەدى، بۇل كۇندى ەڭبەك مينيسترلىگى ءدىني باسقارمامەن بىرلەسىپ بەلگىلەيدى. بۇل كۇن جەكسەنبى بولعاندىقتان، قوسىمشا دەمالىس كۇنى بەرىلمەيدى.
6-شىلدە - استانا كۇنى مەملەكەتتىك مەرەكە بولىپ سانالادى. كەلەر جىلى بۇل كۇن سەنبىگە تۇسەدى، سوندىقتان 5 كۇن جۇمىس ىستەيتىندەر ءۇشىن دەمالىس كۇنى دۇيسەنبى 8-شىلدەگە اۋىستىرىلادى جانە ءۇش كۇن قاتارىنان دەمالادى. ال 6 كۇن جۇمىس ىستەيتىندەر 8-شىلدەدە جۇمىسقا شىعادى.
30-تامىز - كونستيتۋتسيا كۇنى دە مەملەكەتتىك مەرەكە. 2024 -جىلى بۇل كۇن جۇماعا تۇسەدى، بەس كۇن جۇمىس ىستەيتىندەر 30،31-تامىز جانە 1-قىركۇيەك كۇندەرى تاعى دا ءۇش كۇن دەمالا الادى. التى كۇندىك جۇمىستا 30-تامىز - دەمالىس، 31-تامىز - جۇمىس، 1-قىركۇيەك - جەكسەنبىلىك دەمالىس.
وتكەن جىلى 25-قازان - رەسپۋبليكا كۇنى ۇلتتىق مەرەكەسى قايتا ورالعان ەدى. بۇل كۇن دە 2024 -جىلى جۇماعا سايكەس كەلەدى جانە ءۇش كۇن دەمالۋ مۇمكىندىگى بولادى. التى كۇن جۇمىس ىستەيتىندەرگە 25-قازان - دەمالىس، 26-قازان - جۇمىس، 27-قازان - جەكسەنبىلىك دەمالىس.
جىلدىڭ سوڭعى مەرەكەسى 16-جەلتوقسان - تاۋەلسىزدىك كۇنى. كەلەر جىلى تاۋەلسىزدىك كۇنى دۇيسەنبىگە تۇسەدى. دەمەك، 5 كۇندىك جۇمىستاعىلارعا 14، 15، 16-جەلتوقسان - دەمالىس. ال 6 كۇندىك جۇمىستاعىلار – 14-جەلتوقسان جۇمىس ىستەپ، 15، 16-جەلتوقساندا دەمالادى.
اۆتور
ايجان سەرىكجان قىزى
