بەرلين 2024 نە 2028- جىلعى جازعى ويىنداردى وتكىزۋ قۇقىعىن جەڭىپ الۋعا ارەكەت جاساماق

شەتەلدىك ب ا ق-تىڭ اقپاراتىنا قاراعاندا، بۇل تۋرالى گەرمانيا استاناسىنىڭ باسشىسى كلاۋس ۆوۆەرايت ءمالىم ەتكەن.

اتالعان جىلدارى وليمپيادا وتكىزۋ ءۇشىن بەرليننەن بولەك گامبۋرگ قالاسى دا ۇمىتكەر بولىپ وتىر. گەرمانيانىڭ وسى ەكى قالاسى دا ءوز تۇجىرىمدامالارىن ءبىرىنشى قىركۇيەك كۇنى ۇسىناتىن بولادى. وسى ايدىڭ سوڭىنا دەيىن ۇمىتكەر قالالار نەمىس وليمپيادا سپورتتىق وداعىنا وسىناۋ بايراقتى باسەكەگە قاتىستى تۋىنداعان بارلىق ساۋالدارىنا تىڭعىلىقتى جاۋاپ بەرۋى ءتيىس.

سەيسەنبى كۇنى وتكەن بەرلين ۇكىمەتىنىڭ وتىرىسىندا نەمىس وليمپيادا سپورتتىق وداعىنىڭ ساۋالدارىنا قاتىستى 13 جاۋاپ ءتۇزىلدى. ول وسى جەكسەنبى كۇنى اتالعان ۇيىمعا تابىس ەتىلۋى ءتيىس.

«ءبىز جان-جاقتى جاۋاپتاردى ازىرلەدىك. ءوتىنىم (بەرليندە وليمپيادا ويىندارىن وتكىزۋ ءوتىنىمى) حالىقتىڭ تولىق قولداۋىنا يە بولىپ وتىر»، - دەدى كلاۋس ۆوۆەرايت.

ايتا كەتەرلىگى، نوسو جازعى ويىندار نە بەرليندە، نە گامبۋرگتە وتەتىندىگىنە قاتىستى سوڭعى شەشىمىن 6- جەلتوقسان كۇنى قابىلدايتىن بولادى.

ايتا كەتەرلىگى، بۇعان دەيىن گەرمانيا ءۇش مارتە وليمپيادا ويىندارىن وتكىزگەن بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى