باستاپ ەلورداعا ىرگەلەس اۋىلداردا 2024 -جىلدان 15 مەكتەپ سالىنادى

بۇل جايىندا ءماجىلىس دەپۋتاتتارىنىڭ ساۋالىنا ق ر پرەمەر- ءمينيسترى ءاليحان سمايىلوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«بارلىعى 32328 وقۋشى كونتينگەنتى بار 42 مەكتەپتە وقىتۋ جۇرگىزىلەدى. جوبالىق قۋاتى - 14906 ورىن. بۇگىنگى تاڭدا وقۋشى ورىندارىنىڭ تاپشىلىعى 9000 ورىندى قۇرايدى. قابىلدانعان ءىس- شارالاردىڭ ناتيجەسىندە 15 ءبىلىم بەرۋ نىسانى سالىندى. ونىڭ ىشىندە 1720 ورىندىق 8 بالاباقشا بار»، - دەدى ۇكىمەت باسشىسى جاۋابىندا.

پرەمەر- مينيستر دەرەگىنشە، قوسشى قالاسىندا 1200 ورىندىق ەكى مەكتەپتىڭ جانە قوياندى، قاراوتكەل اۋىلدارىندا جانە قوسشى قالاسىندا 280 ورىندىق ءۇش بالاباقشانىڭ قۇرىلىسى جۇرگىزىلىپ جاتىر. اتالعان نىسانداردىڭ قۇرىلىسىن اياقتاۋ 2023 -جىلعا جوسپارلانعان.

«سونىمەن قاتار، «جايلى مەكتەپ» پيلوتتىق جوباسى اياسىندا وقۋشى ورىندارىن قامتاماسىز ەتۋ ءۇشىن ەلوردا ىرگەسىندە 2024 -جىلدان باستاپ 18600 ورىندىق 15 مەكتەپ (2024 -جىلى 10100 ورىندىق 8 مەكتەپ جانە 2025 -جىلى 8500 ورىندىق 7 مەكتەپ) سالۋ جوسپارلانعان»، - دەدى ءاليحان سمايىلوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى