ۇلتتىق تەليەۆيزيالىق «تۇمار - 2023» سىيلىعىنىڭ نومينانتتارى جاريالاندى

بايقاۋدىڭ باستى ماقساتى - كاسىبي قوعامداستىقتىڭ باعالاۋ پريزماسى ارقىلى قازاقستاندىق تەليەۆيزيالىق يندۋستريانى دامىتۋدى ىنتالاندىرۋ جانە ونىڭ باسەكەگە قابىلەتتىلىگىن كورسەتۋ.

اقپارات جانە قوعامدىق دامۋ مينيسترلىگى بيىل بايگەگە قاتىسۋعا 300 گە جۋىق ءوتىنىم كەلىپ تۇسكەنىن حابارلادى. ەڭ كوپ ءوتىنىم «ۇزدىك تەلەجۇرگىزۋشى»، «ۇزدىك تەلەجۋرناليست»، «ۇزدىك الەۋمەتتىك جوبا» نوميناتسيالارى بويىنشا قابىلدانعان. «تۇمار» ۇلتتىق بايقاۋىنا رەسپۋبليكالىق جانە ايماقتىق تەلەارنالار، ستۋديالار جانە كاسىبي تەليەۆيزيالىق كونتەنت شىعاراتىن كومپانيالار قاتىستى.

بيىل العاش رەت «ۇزدىك سپورت كوممەنتاتورى» جانە «ۇزدىك جۋرناليستىك زەرتتەۋ» نوميناتسيالارى بويىنشا جۋرناليستەر باعىن سىنايدى.

ماراپاتتاۋ ءراسىمى قارساڭىندا قازىلار القاسىنىڭ مۇشەلەرى سىيلىققا ۇمىتكەرلەر ءتىزىمىن جاريالادى. ولاردىڭ سانى - 48.

ەستەرىڭىزگە سالا كەتەيىك، «تۇمار» ۇلتتىق بايگەسىنىڭ ماراپاتتاۋ ءراسىمى 2023 -جىلى 4-شىلدە كۇنى استانا قالاسىنداعى «قازمەديا ورتالىعى» كينوكونتسەرت زالىندا وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى