ۇكىمەت قۇرامى 2023 -جىلى قالاي وزگەردى

ويتكەنى ەل پرەزيدەنتىنىڭ سوزىنشە، وكىمەتتىڭ بۇرىنعى قۇرامى شەشىم قابىلداۋدا بەلسەندى ەمەس. سوندىقتان دا مينيسترلەر كابينەتىنە دەرەۋ شەشىم قابىلداپ، وزەكتى ماسەلەلەردى دەر كەزىندە شەشەتىن جاڭا تۇلعالار قاجەت.

ءسويتىپ، مەملەكەت باسشىسىنىڭ جارلىعىمەن ۇكىمەتتە اۋىس- ءتۇيىس بولىپ، بەس مينيسترلىكتىڭ، اتاپ ايتساق، ق ر يندۋستريا جانە ينفراقۇرىلىمدىق دامۋ، وقۋ- اعارتۋ، مادەنيەت جانە سپورت، ادىلەت، سونداي-اق ەكولوگيا جانە تابيعي رەسۋرستار مينيسترلىگىنىڭ باسشىلارى وزگەردى. ءتىپتى، ق ر پرەمەر- ءمينيسترى ءاليحان سمايىلوۆ جاڭا مينيسترلەردى ۇجىمدارىنا تانىستىرىپ ۇلگەردى. ەندەشە، جاڭادان تاعايىندالعان مينيسترلەردىڭ كىم ءارى قايدا قىزمەت ەتكەنى جونىندە شولۋ ماتەريالدى نازارلارىڭىزعا ۇسىنامىز.

مەملەكەت باسشىسى وتكەن ايدا قاڭتاردا ۇكىمەتتە ءبىرقاتار وزگەرىس بولاتىنىن ايتقانىن جوعارىدا اتاپ وتتىك. ول ءوز سوزىندە: «حالقىمىز ءۇشىن وزەكتى ماسەلەلەردى شەشۋدە ۇكىمەتىمىز بەلسەندىلىك تانىتپاي وتىر، ولار ماسەلەنى شەشۋگە اسىعار ەمەس. جاقىن ارادا ۇكىمەت جۇمىسىنىڭ تيىمدىلىگىن ارتتىرۋ كەرەك دەپ ەسەپتەيمىن، ويتكەنى ولار ەلدەگى جاعدايدى رەتتەۋ بويىنشا شارالار قابىلدايدى. جاڭا جىلدىڭ باسىندا پرەمەر- ءمينيستردىڭ ۇسىنىسى بويىنشا، ۇكىمەتتە ءبىرقاتار كادرلىق وزگەرىس بولماق» ، - دەگەن بولاتىن.

ءزۇلفيا سۇلەيمەنوۆا - ەكولوگيا جانە تابيعي رەسۋرستار ءمينيسترى، 32 جاستا

كەشە بەس مينيسترلىكتىڭ باسشىلارى اۋىستى. ولاردىڭ ىشىندەگى ەڭ جاسى - ءزۇلفيا سۇلەيمەنوۆا. ق ر ەكولوگيا جانە تابيعي رەسۋرستار ءمينيسترى لاۋازىمىنا تاعايىندالدى.

ءزۇلفيا سۇلەيمەنوۆا 1990 -جىلى اقتوبە قالاسىندا دۇنيەگە كەلگەن. ول ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىن بىتىرگەن. پرەزيدەنتتىك جاستار كادرلىق رەزەرۆىنىڭ مۇشەسى.

ەڭبەك جولىن 2014 -جىلى جاھاندىق ساياسات جانە قاۋىپسىزدىك ورتالىعىنىڭ وڭىرلىك جانە جاھاندىق قاۋىپسىزدىك ءبولىمىنىڭ عىلىمي قىزمەتكەرى بولىپ باستادى. ق ر ەكولوگيا، گەولوگيا جانە تابيعي رەسۋرستار مينيسترلىگىندە باسشىلىق قىزمەتتەر اتقارعان. 2021 -جىلدىڭ قاڭتارىنان باستاپ وسى ۋاقىتقا دەيىن VII سايلانعان ق ر پارلامەنتى ءماجىلىسىنىڭ دەپۋتاتى بولدى. سونىمەن بىرگە 2022 -جىلى 14-ناۋرىزدا ءزۇلفيا سۇلەيمەنوۆا ەكولوگيا، گەولوگيا جانە تابيعي رەسۋرستار ۆيتسە-ءمينيسترى بولىپ تاعايىندالعان ەدى.

ول وتاندىق بۇقارالىق اقپارات قۇرالدارىنا بەرگەن سۇحباتىندا اڭ تەرىسىنەن جاسالعان كيىمدەردى كيمەيتىنىن، ەت جەمەيتىنىن، ءجۇن ونىمدەرىنەن باس تارتقانىن، سونىمەن بىرگە جانۋارلارعا تەكسەرىلگەن كوسمەتيكانى قولدانبايتىنىن ايتقان بولاتىن.

جالپى ءزۇلفيا سۇلەيمەنوۆا ەڭ جاس مينيستر عانا ەمەس، مينيسترلىكتەگى باسشىلىق قىزمەتتەگى ءۇشىنشى ايەل اتانىپ وتىر. قازىرگى تاڭدا دەنساۋلىق ءمينيسترى مەن حالىقتى الەۋمەتتىك قورعاۋ ءمينيسترى - ايەلدەر. ەندى ولاردىڭ قاتارىنا ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆا قوسىلدى.

ال توعىز ايەل ءمينيستردىڭ ورىنباسارى قىزمەتىن اتقارسا، ەندى ءبىرى ءبىر ۆەدومستۆونىڭ اپپاراتىن باسقارادى. وسىلايشا، بۇگىنگى تاڭدا ۇكىمەتتە 13 ايەل باسشىلىق قىزمەتتە جۇمىس ىستەيدى.

اسحات ورالوۆ - مادەنيەت جانە سپورت ءمينيسترى، 32 جاستا

تاعايىندالعان ەكى جاس ءمينيستردىڭ ەكىنشىسى - اسحات ورالوۆ. ول مادەنيەت جانە سپورت ءمينيسترى لاۋازىمىنا تاعايىندالدى.

اسحات رازدىق ۇلى 1990 -جىلى پاۆلودار وبلىسىندا دۇنيەگە كەلگەن. گۋميلەۆ اتىنداعى ەۋرازيا ۇلتتىق ۋنيۆەرسيتەتى، ر ف س ءى م ماسكەۋ مەملەكەتتىك حالىقارالىق قاتىناستار ۋنيۆەرسيتەتىن ءتامامداعان.

ءار جىلدارى گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ الەۋمەتتىك-تاربيە جۇمىسى دەپارتامەنتىنىڭ جاستار ۇيىمدارىمەن جۇمىس ءبولىمىنىڭ باس مامانى، پروتوكول ءبولىمىنىڭ اعا مامانى بولىپ جۇمىس ىستەگەن. سونىمەن قوسا «نۇر وتان» پارتياسىنىڭ «نۇر» فيليالى ءتوراعاسىنىڭ ءبىرىنشى ورىنباسارى، «استانا قالاسىنىڭ جاستار ساياساتى ماسەلەلەرى باسقارماسىنىڭ» مم باسشىسى، ق ر ءدىن ىستەرى جانە ازاماتتىق قوعام مينيسترلىگىنىڭ جاستار ساياساتى دەپارتامەنتىنىڭ ديرەكتورى، ق ر قوعامدىق دامۋ مينيسترلىگى جاستار جانە وتباسى ىستەرى كوميتەتى ءتوراعاسىنىڭ ورىنباسارى، پاۆلودار وبلىسى اكىمىنىڭ ورىنباسارى، ق ر اقپارات جانە قوعامدىق دامۋ مينيسترلىگىنىڭ ۆيتسە-ءمينيسترى، استانا قالاسى اكىمىنىڭ ورىنباسارى قىزمەتتەرىن اتقارعان.

بۇعان دەيىن ق ر مادەنيەت جانە سپورت ءمينيسترى قىزمەتىن داۋرەن ابايەۆ اتقاردى. ول بۇل قىزمەتكە وتكەن جىلدىڭ 11-قاڭتارىندا تاعايىندالعان ەدى.

مارات قارابايەۆ - يندۋستريا جانە ينفراقۇرىلىمدىق دامۋ ءمينيسترى، 35 جاستا

ق ر يندۋستريا جانە ينفراقۇرىلىمدىق دامۋ ءمينيسترى لاۋازىمىنا مارات كارىمجان ۇلى قارابايەۆ تاعايىندالدى. بۇعان دەيىن بۇل قىزمەتتى قايىربەك ايتباي ۇلى وسكەنبايەۆ اتقارعان ەدى.

مارات قارابايەۆ 1987 -جىلى وزبەكستان رەسپۋبليكاسى تاشكەنت وبلىسىندا دۇنيەگە كەلگەن. تاشكەنت اۆتوموبيل جولى ينستيتۋتىن، ۋورۆيك ۋنيۆەرسيتەتىن ( ۇلى بريتانيا) ، م. ح. دۋلاتي اتىنداعى تاراز مەملەكەتتىك ۋنيۆەرسيتەتىن ءتامامداعان.

ەڭبەك جولىن 2011 -جىلى ق ر اۋىل شارۋاشىلىعى مينيسترلىگىنىڭ سۋ شارۋاشىلىعى كوميتەتىنىڭ سۋ شارۋاشىلىعى يماراتتارىنىڭ جەلىلەرىن پايدالانۋ جانە دامىتۋ باسقارماسى ساراپشىسىنىڭ م. ا. رەتىندە باستاپ، ءار جىلدارى ءتۇرلى قىزمەتتە بولعان.

اتاپ ايتساق، ق ر يندۋستريا جانە جاڭا تەحنولوگيالار مينيسترلىگى جاڭا تەحنولوگيالار جانە ەنەرگيا ۇنەمدەۋ دەپارتامەنتى سەرۆيستىك يندۋستريانى تەحنولوگيالىق دامىتۋ باسقارماسىنىڭ ساراپشىسى، باس ساراپشىسى؛ و ق و كاسىپكەرلىك جانە يندۋستريالدى- يننوۆاتسيالىق دامۋ باسقارماسى باسشىسىنىڭ ورىنباسارى م. ا.؛ و ق و كاسىپكەرلىك جانە يندۋستريالدى- يننوۆاتسيالىق دامۋ جانە تۋريزم باسقارماسىنىڭ باسشىسىنىڭ ورىنباسارى، باسشىسى. ق ر تسيفرلىق دامۋ، قورعانىس جانە اەروعارىش ونەركاسىبى مينيسترلىگىنىڭ قورعانىس- ونەركاسىپ كەشەنىن دامىتۋ دەپارتامەنتىندە باسشىلىق قىزمەتتەر اتقاردى. سونىمەن بىرگە ق ر يندۋستريا جانە جاڭا تەحنولوگيالار مينيسترلىگىنىڭ قورعانىس- ونەركاسىپ كەشەنىن دامىتۋ دەپارتامەنتىنىڭ ديرەكتورى، ق ر ييدم يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ ءتوراعاسى بولدى. 2021 -جىلعى قاڭتاردان باستاپ قازىرگى ۋاقىتقا دەيىن ق ر ي ي د م يندۋستريالىق دامۋ كوميتەتىنىڭ ءتوراعاسى بولىپ جۇمىس ىستەدى.

ازامات ەسقارايەۆ - ادىلەت ءمينيسترى، 43 جاستا

ازامات ەسقارايەۆ ق ر ادىلەت ءمينيسترى لاۋازىمىنا تاعايىندالدى. ول بۇعان دەيىن ق ر پرەمەر- ءمينيسترى كەڭسەسى زاڭ ءبولىمىنىڭ مەڭگەرۋشىسى قىزمەتىن اتقاردى.

ازامات نەسىپباي ۇلى 1979 -جىلى 7-قازاندا الماتى قالاسىندا دۇنيەگە كەلدى. ول قازاق مەملەكەتتىك زاڭ اكادەمياسىن بىتىرگەن.

ەڭبەك جولىن 1996 -جىلى الماتى قالاسىنداعى دەز-2 جۇمىسشىسى بولىپ باستاپ، ءار جىلدارى ءتۇرلى قىزمەتتە بولدى. اتاپ ايتساق، ق ر ادىلەت مينيسترلىگى زاڭناما دەپارتامەنتىنىڭ باس مامانى، ق ر ادىلەت مينيسترلىگى زاڭناما دەپارتامەنتىندە ءبولىم باسشىسى، باسقارما باسشىسى، الماتى قالاسى اكىمدىگىنىڭ باس ينسپەكتورى، «قازىنا» ورنىقتى دامۋ قورى» ا ق زاڭ قىزمەتتەرى دەپارتامەنتىنىڭ باس مەنەدجەرى، ق ر ادىلەت مينيسترلىگىنىڭ قۇقىقتىق ماسەلەلەرى جونىندەگى كونسۋلتانتى، ق ر ادىلەت مينيسترلىگىنىڭ تالداۋ جانە ستراتەگيالىق جوسپارلاۋ دەپارتامەنتىنىڭ ديرەكتورى، ق ر ادىلەت مينيسترلىگى زاڭناما دەپارتامەنتىنىڭ ديرەكتورى. ق ر پرەمەر-ءمينيسترى كەڭسەسىنىڭ زاڭ ءبولىمى مەڭگەرۋشىسىنىڭ ورىنباسارى قىزمەتتەرىن اتقاردى. ال 2019 -جىلعى ماۋسىمنان باستاپ قازىرگە دەيىن ق ر پرەمەر- ءمينيسترى كەڭسەسى زاڭ ءبولىمىنىڭ مەڭگەرۋشىسى بولدى.

ال بۇعان دەيىن ق ر ادىلەت ءمينيسترى لاۋازىمىندا بولعان قانات مۋسين كونستيتۋتسيالىق سوتتىڭ سۋدياسى بولىپ تاعايىندالعان ەدى.

عاني بەيسەمبايەۆ - وقۋ- اعارتۋ ءمينيسترى، 53 جاستا

عاني بەيسەمبايەۆ وقۋ-اعارتۋ ءمينيسترى بولىپ تاعايىندالدى.

ول 1969 -جىلى قىزىلوردا وبلىسىندا دۇنيەگە كەلگەن. اباي اتىنداعى الماتى مەملەكەتتىك ۋنيۆەرسيتەتىن ءتامامداعان. ەڭبەك جولىن 1986 -جىلى شيەلى اۋداندىق مادەنيەت ءبولىمىنىڭ اۆتوكلۋب مەڭگەرۋشىسى قىزمەتىنەن باستاپ، قازاق ءتىلى مۇعالىمى، ورتا مەكتەپ ديرەكتورى، ق ر بعم ى. التىنسارين اتىنداعى قازاق ءبىلىم اكادەمياسى پرەزيدەنتىنىڭ عىلىمي حاتشىسى، كەڭەسشىسى، قاپشاعاي قالاسى ءبىلىم ءبولىمىنىڭ باسشىسى، حالىقارالىق ءبىلىم بەرۋ ورتالىعىنىڭ باس ديرەكتورى، تەحنيكالىق- ەكونوميكالىق كوللەدج ديرەكتورى قىزمەتتەرىن اتقارعان. 2020 -جىلى ق ر بعم «وقۋلىق» رەسپۋبليكالىق عىلىمي- پراكتيكالىق ورتالىعىنىڭ ديرەكتورى بولدى. ال 2020 -جىلدىڭ جەلتوقسان ايىنان باستاپ قازىرگى ۋاقىتقا دەيىن ق ر بعم ى. التىنسارين اتىنداعى ۇلتتىق ءبىلىم اكادەمياسىنىڭ پرەزيدەنتى قىزمەتىن اتقارىپ كەلدى.

بۇعان دەيىن وقۋ-اعارتۋ ءمينيسترى بولعان اسحات ايماعامبەتوۆ قىزمەتىنەن بوساتىلدى. ول 2019 -جىلدىڭ ماۋسىمىنان باستاپ 2022 -جىلعى ماۋسىمعا دەيىن قازاقستان رەسپۋبليكاسىنىڭ ءبىلىم جانە عىلىم ءمينيسترى قىزمەتىن اتقارعان ەدى. كەيىن بۇل مينيسترلىك ق ر وقۋ-اعارتۋ مينيسترلىگى جانە ق ر عىلىم جانە جوعارى ءبىلىم مينيسترلىگى بولىپ ەكىگە ءبولىنىپ، 2022 -جىلدىڭ11 ماۋسىمىندا مەملەكەت باسشىسىنىڭ جارلىعىمەن وقۋ- اعارتۋ ءمينيسترى بولىپ تاعايىندالعان بولاتىن.

بۇدان ءبىز ۇكىمەت قۇرامىنىڭ «جاسارعانىن» بايقاپ وتىرمىز. بۇگىندە ەڭ جاس مينيستر 32 جاستا (ءزۇلفيا سۇلەيمەنوۆا) بولسا، ەڭ ۇلكەنى - 58 جاستا (ىشكى ىستەر ءمينيسترى مارات احمەتجانوۆ). جالپى سوڭعى جىلدارى بيلىككە ارالاساتىن جاستار قاتارى كوبەيىپ كەلەدى. ونى الىسقا بارماي-اق، ۇكىمەت قۇرامىنداعى وزگەرىستەردەن دە اڭعارۋعا بولادى.

ەسكە سالساق، كەشەگى تاعايىنداۋلاردان كەيىن مەملەكەت باسشىسى جاڭا مينيسترلەردى قابىلداپ، ءبىرقاتار تاپسىرما بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى