قازاقستاندا 2023 -جىلى زەينەتاقى كولەمى قانشاعا وسەدى

21-جەلتوقساندا مەملەكەت باسشىسى قاسىم-جومارت توقايەۆ 2023 -جىلدىڭ 1-قاڭتارىنان باستاپ كۇشىنە ەنەتىن «2023-2025 -جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسى زاڭىنا قول قويدى.

اتالعان قۇجاتقا سايكەس، مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى 24341 تەڭگە، ال ەڭ تومەنگى زەينەتاقى - 53076 تەڭگە بولادى.

سونىمەن قاتار جاسىنا بايلانىستى زەينەتاقى تولەمدەرىنە جانە ەڭبەك سىڭىرگەن جىلدارى ءۇشىن زەينەتاقى تولەمدەرىنە ءجۇمسالاتىن قاراجات 2023 -جىلعى 1-قاڭتاردان باستاپ ولاردىڭ مولشەرلەرىن 10,5 پايىزعا كوتەرۋ ەسكەرىلە وتىرىپ كوزدەلگەن.

ايتا كەتەرلىگى ءبىرىڭعاي جيناقتاۋشى زەينەتاقى قورى زەينەتاقى قاراجاتىن مەرزىمىنەن بۇرىن پايدالانۋدىڭ 2023 -جىلعا ەڭ تومەن جەتكىلىكتىلىك شەگىن بەلگىلەدى. قور مالىمەتىنشە، 2023 -جىلعا بەلگىلەنگەن ەڭ تومەن جەتكىلىكتىلىك شەگى جاس مولشەرىنە بايلانىستى 3 تەن 10 ميلليون تەڭگەگە دەيىنگى سومانى قۇرايدى.

تولىعىراق مىنا ماتەريالدان وقۋعا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى