ۇكىمەت 2023-جىلعا ارنالعان جوسپارىن ماقۇلدادى
«جالپى زاڭ جوبالاۋ جۇمىستارىنىڭ 2022-جىلعا ارنالعان جوسپارى ورىندالدى دەپ ايتۋعا بولادى. بيىل كونستيتۋتسيالىق رەفورما، پرەزيدەنتتىڭ سايلاۋالدى باعدارلاماسى اياسىنداعى باستامالاردى ىسكە اسىرۋ بويىنشا جۇمىستار جۇرگىزىلگەنىن اتاپ وتكىم كەلەدى. الداعى جىلى دا رەفورمالاردى جالعاستىرۋ قاجەت»، - دەدى ق ر پرەمەر-ءمينيسترى ءاليحان سمايىلوۆ بۇگىنگى ۇكىمەت وتىرىسىندا.
سونىمەن بىرگە ءا. سمايىلوۆ ادىلەت مينيسترلىگىنىڭ جىل بويى مەملەكەت باسشىسىنىڭ، پرەمەر-ءمينيستردىڭ جانە پرەزيدەنت اكىمشىلىگىنىڭ زاڭنامالىق تاپسىرمالارىنا مونيتورينگ جۇرگىزۋدى، ولاردى 2023-جىلى ازىرلەنىپ جاتقان زاڭ جوبالارىنا ەنگىزۋدى قامتاماسىز ەتۋى كەرەگىن ايتتى.
«بۇل جۇمىستى مەملەكەتتىك ورگاندار تۇراقتى نەگىزدە جۇرگىزۋى ءتيىس. ۇكىمەتتىڭ زاڭ جوبالاۋ جۇمىستارىنىڭ 2023-جىلعا ارنالعان جوسپارىن ماقۇلداۋدى ۇسىنامىن. جوسپارعا 24 زاڭ جوباسى كىرەدى. ولاردىڭ ىشىندە ازىرلەنىپ جاتقان سۋ كودەكسى، «ادام ساۋداسىنا قارسى ءىس-قيمىل تۋرالى»، «تۇتىنۋشىلاردىڭ قۇقىقتارىن قورعاۋ تۋرالى» جانە «اكۆاداقىل تۋرالى» زاڭ جوبالارى ەرەكشە ماڭىزعا يە»، - دەدى ۇكىمەت باسشىسى.
بۇعان دەيىن ق ر ادىلەت ءمينيسترى قانات مۋسين ۇكىمەتتىڭ 2023-جىلعا ارنالعان زاڭ جوبالاۋ جوسپارىنىڭ جوباسىن تانىستىرعان ەدى.
