ۇكىمەت 2023-جىلى قانداي زاڭ جوبالارىن ازىرلەيدى

«2023-جىلعا ارنالعان جوسپار جوباسىندا 34 زاڭ جوباسىن ازىرلەۋ كوزدەلگەن، ونىڭ ىشىندە ءبىرىنشى جارتىجىلدىقتا پارلامەنتكە - 15 زاڭ جوباسىن جانە ەكىنشى جارتىجىلدىقتا - 19 زاڭ جوباسىن ەنگىزۋ قاجەت.

جالپى، جوسپار جوباسى پرەزيدەنت پەن مەملەكەتتىڭ ستراتەگيالىق قۇجاتتارىندا ايقىندالعان مىندەتتەر نەگىزىندە قالىپتاستىرىلدى.

ماسەلەن، قالا قۇرىلىسى كودەكسى جانە بيۋجەت كودەكسى، جەر قويناۋىن پايدالانۋ، مەملەكەتتىك جەكەشەلىك ارىپتەستىك، كوشى- قون، مەملەكەتتىك ساتىپ الۋ، سالىق سالۋ، سونداي-اق اكىمشىلىك ادىلەت، قىلمىستىق قىلمىستىق-پروتسەستىك جانە اكىمشىلىك زاڭنامالاردى جەتىلدىرۋ بويىنشا زاڭ جوبالارىن ازىرلەۋ مەملەكەت باسشىسىنىڭ 2022-جىلعى 1- قىركۇيەكتەگى «ادىلەتتى مەملەكەت. ءبىرتۇتاس ۇلت. بەرەكەلى قوعام» جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىنان تۋىندايدى»، - دەدى قانات مۋسين.

سونداي-اق، ول اتالعان جوسپاردىڭ ءبارىن مەملەكەت باسشىسى ماقۇلداۋى كەرەكتىگىن ەسكە سالدى.

«بۇدان باسقا، سۋ كودەكسىن، سونداي-اق تۇتىنۋشىلاردىڭ قۇقىقتارىن قورعاۋ، ماسس-مەديا جانە اكۆاوسىرۋ بولىگىندە جاڭا رەداكسياداعى زاڭ جوبالارىن ازىرلەۋ جوسپارلانۋدا.

سونىمەن قاتار، بيۋروكراتيادان ارىلتۋ جونىندەگى جارلىقتىڭ 13-تارماعىن جانە مەملەكەت باسشىسىنىڭ اعىمداعى جىلعى 11- قازانداعى تاپسىرماسىن ىسكە اسىرۋ اياسىندا ادىلەت مينيسترلىگى زاڭداردا ارتىق (شامادان تىس) زاڭنامالىق نورمالاردى رەگلامەنتتەمەي الىپ تاستاۋ بويىنشا تاسىلدەر ازىرلەنگەنىن اتاپ وتەمىن.

وسى تاسىلگە سايكەس زاڭداردا مەملەكەتتىك باسقارۋ ورگاندارىنىڭ نەگىزگى ماقساتتارىن، مىندەتتەرىن، رەتتەۋ قاعيداتتارىن جانە بازالىق وكىلەتتىكتەرىن عانا بەلگىلەيتىن نورمالار، ال زاڭعا تاۋەلدى اكتىلەردە ولاردى ودان ءارى رەگلامەنتتەۋ بەكىتىلەتىن بولادى»، - دەدى ادىلەت ءمينيسترى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى