ارال تەڭىزى: ە ق ى ۇ پارلامەنتتىك اسسامبلەياسىنىڭ دەلەگاتسياسى 2023 -جىلى وڭىرگە كەلەدى
بۇل تۋرالى ە ق ى ۇ پارلامەنتتىك اسسامبلەياسىنىڭ كوميتەتى كەڭەسىنە ونلاين قاتىسقان ق ر پارلامەنتى سەناتى ءتوراعاسىنىڭ ورىنباسارى اسقار شاكىروۆ ايتتى، دەپ حابارلايدى قازاقپارات پالاتانىڭ باسپا ءسوز قىزمەتىنە سىلتەمە جاساپ.
ە ق ى ۇ پارلامەنتتىك اسسامبلەياسىنىڭ ەكونوميكالىق ماسەلەلەر، عىلىم، تەحنولوگيا جانە قورشاعان ورتا جونىندەگى كوميتەتى كەڭەسىندە ە ق ى ۇ وڭىرىندەگى ەكونوميكالىق جانە ەكولوگيالىق قاۋىپسىزدىكتى قامتاماسىز ەتۋدىڭ وزەكتى ماسەلەلەرى تالقىلاندى.
قازاقستان وكىلى، پارلامەنتتىك اسسامبلەيا ءتوراعاسىنىڭ ورىنباسارى جانە اسسامبلەيانىڭ ورنىقتى دامۋ سالاسىنداعى ماقساتتار جونىندەگى ارناۋلى وكىلى بولىپ تابىلاتىن اسقار شاكىروۆ ارال تەڭىزىنىڭ پروبلەماسىنا ەۋروپالىق پارلامەنتشىلەردىڭ نازارىن اۋداردى. بۇل تەك 60 ميلليوننان استام حالقى بار ارال ايماعىنداعى مەملەكەتتەر ءۇشىن عانا ەمەس، بۇكىل الەم قوعامداستىعى ءۇشىن دە سىن- قاتەرگە اينالعانىن ايتتى.
ارال تەڭىزىنىڭ قۇرعاۋى بۇۇ تاراپىنان ادام ارەكەتىنەن تۋىنداعان ەڭ اۋىر ەكولوگيالىق اپات رەتىندە تانىلعانى بارشاعا بەلگىلى جانە ونى شەشۋ ءۇشىن بۇكىل الەم قوعامداستىعىنىڭ كۇش- جىگەرىن بىرىكتىرۋ قاجەت.
وسى ماسەلەنى شەشۋ ماقساتىندا ە ق ى ۇ- نىڭ ىقتيمال ۇلەسىن تالقىلاۋ ءۇشىن كوميتەت دەپۋتاتتارىنا، سونداي- اق ە ق ى ۇ- نىڭ مۇددەلى پارلامەنتشىلەرىنە احۋالمەن ەگجەي- تەگجەيلى تانىسۋعا ارال وڭىرىنە بارۋ ۇسىنىلدى.
بۇل باستامانى قازاقستاننىڭ كليماتتىڭ وزگەرۋىنە قارسى جۇزەگە اسىپ جاتقان كۇرەس اياسىندا قاراستىرعان ءجون. اعىمداعى جىلدىڭ شىلدە ايىندا بيرمينگەمدە وتكەن ە ق ى ۇ پا- نىڭ جىل سايىنعى سەسسياسىندا قازاقستان مەن وزبەكستاننىڭ پارلامەنتتىك دەلەگاتسيالارى ارال تەڭىزىن قۇتقارۋعا بايلانىستى جوبالاردى ۇيلەستىرۋگە قاتىسۋعا دونور ەلدەردى شاقىرعان بولاتىن.
كوميتەت بيۋروسى وسى ماسەلە بويىنشا 2023 -جىلدىڭ ءبىرىنشى جارتىسىندا ە ق ى ۇ پارلامەنتتىك اسسامبلەياسىنىڭ دەلەگاتسياسىن ارال وڭىرىنە جىبەرۋ تۋرالى ۇسىنىسقا قولداۋ ءبىلدىردى.
