ۇكىمەت 2023-جىلعى بيۋجەتتەگى مۇناي جانە دوللار باعاسىن بەلگىلەدى
«كەلەر جىلداعى بيۋجەت بولجامىندا مۇنايعا قاتىستى ەسەپتى باعا باررەلىنە 85 ا ق ش دوللارىن قۇراپ وتىر. 1 دوللار ءۇشىن باعام 470 تەڭگە شاماسىندا بەلگىلەنگەن. وسى ەسەپتەۋلەر اياسىندا رەسپۋبليكالىق بيۋجەتتىڭ كىرىسى 16 تريلليون تەڭگە دەڭگەيىندە قالىپتاسادى»، - دەدى ا. امرين سەناتتا زاڭ جوباسىن تانىستىرعانان كەيىن وتكەن باسپا ءسوز ءماسليحاتىندا.
بۇدان بۇرىن حابارلانعانداي، بۇگىن پارلامەنت ءماجىلىسىنىڭ جالپى وتىرىسىندا «2023-2025-جىلدارعا ارنالعان رەسپۋبليكالىق بيۋجەت تۋرالى» زاڭ جوباسى ماقۇلداندى.
وسى ورايدا ق ر ۇلتتىق ەكونوميكا ءمينيسترى الىبەك قۋانتىروۆ 2023-2027-جىلدارعا ارنالعان الەۋمەتتىك-ەكونوميكالىق دامۋ بولجامى تۋرالى ايتىپ بەردى.
ءمينيستردىڭ سوزىنە قاراعاندا، بولجام مەن بيۋجەتتىك پارامەترلەردى قالىپتاستىرۋدىڭ نەگىزى رەتىندە بازالىق سەناري الىندى. وسى سەناري بويىنشا مۇنايدىڭ ورتاشا باعاسى باررەلىنە $85 دەپ كورسەتىلگەن. جالپى ىشكى ءونىمنىڭ ورتاشا جىلدىق ناقتى ءوسۋى %3,9 بولادى.
