ورازا 2023-جىلى قاشان باستالادى؟
قازاقستان مۇسىلماندارى ءدىني باسقارماسى وكىلدەرى رامازان ايى 23- ناۋرىزدا باستالىپ، 20- ساۋىردە اياقتالاتىنىن ايتتى، - دەپ حابارلايدى «ك ت ك» ارناسى.
وسىلايشا بەس پارىزدىڭ ءبىرى - ورازا كەلەر جىلى ناۋرىز مەيرامىمەن تۇسپا-تۇس كەلەدى. 30 كۇنگە سوزىلاتىن رامازان ايىنان سوڭ، ورازا ايت 21- ساۋىرگە بەكىتىلگەن.
ال قادىر ءتۇنى ءساۋىردىڭ 17 نەن 18 نە قاراعان تۇنىنە بەكىتىلسە، قۇربان ايت 28- ماۋسىمعا بەكىتىلدى.
حيجرا ايلاردىڭ باستالۋى حالىقارالىق استرونوميالىق زەرتتەۋ ورتالىقتارىنىڭ مالىمەتى نەگىزىندە جاسالعان. سونداي-اق، ءدىني مەرەكەلەردىڭ ناقتى كۇندەرى جاڭا ايدىڭ تولۋىنا بايلانىستى كورسەتىلگەن ۋاقىتتان ءبىر كۇن شەگەرىلۋى نەمەسە العا جىلجۋى مۇمكىن ەكەنىن ەسكەرتەدى.
