وتباسىنىڭ سيفرلىق كارتاسى 2023-جىلى ەنگىزىلەدى
بۇل تۋرالى مەملەكەت باسشىسى قاسىم-جومارت توقايەۆ قازاقستان حالقىنا جولداۋى بارىسىندا ايتتى، دەپ حابارلايدى قازاقپارات ءتىلشىسى.
«اتاۋلى الەۋمەتتىك كومەكتىڭ ءبىرىڭعاي جۇيەسىن قۇرۋ ازاماتتاردىڭ ءال-اۋقاتىن جاقسارتۋ ىسىندەگى ماڭىزدى قادامنىڭ ءبىرى بولماق. 2023-جىلدان باستاپ، وتباسىنىڭ سيفرلىق كارتاسى جانە الەۋمەتتىك ءاميان سياقتى تاسىلدەردى ەنگىزۋ جوسپارلانىپ وتىر. وسى باستامالار اياسىندا مەملەكەتتىك قولداۋدىڭ ءتۇرلى شارالارى بىرىكتىرىلەدى. ونىڭ ءبارى بارىنشا تۇسىنىكتى، ەڭ باستىسى، ناقتى بولادى ءارى الدىن-الا جاسالادى»، - دەدى مەملەكەت باسشىسى.
بۇدان بۇرىن حابارلانعانداي، قاسىم-جومارت توقايەۆ قازاقستاندا ايەلدەردىڭ زەينەتكە شىعۋى 61 جاس دەڭگەيىندە بەكىتىلەتىنىن ايتتى.
پرەزيدەنت بالاباقشالارداعى تاربيەشىلەردىڭ الەۋمەتتىك مارتەبەسىن ارتتىرىپ، جالاقىسىن كوبەيتۋ كەرەك ەكەنىن تاپسىردى.
