2023 -جىلى الەم ەلدەرىندە ازىق- تۇلىك داعدارىسى بولۋى مۇمكىن – ب ۇ ۇ
«ۋكرايناداعى جاعدايعا بايلانىستى ازىق- تۇلىك قاۋىپسىزدىگى سالاسىندا ءقاۋىپ- قاتەر بار. دەگەنمەن ازىق- تۇلىك قاۋىپسىزدىگى سالاسىنداعى ماسەلەلەر بارشا الەمدەگى پاندەميا مەن لوكداۋنداردان باستاۋ الىپ وتىر. سەبەبى ىندەت سالدارىنان الەم ەلدەرى اراسىندا ءونىمدى جەتكىزۋ تىزبەگى بۇزىلعان بولاتىن. ال سوعىس جاعدايى بۇل قيىندىقتاردى ۋشىقتىرا ءتۇستى»، - دەدى ا. مۇحاممەد.
ونىڭ ايتۋىنشا، بۇۇ باس حاتشىسى مەن الەم ەلدەرىنىڭ كوشباسشىلارى جانە ولاردىڭ تەحنيكالىق كوماندالارى الداعى ۋاقىتتا بولۋى مۇمكىن ازىق- تۇلىك داعدارىسىن ەڭسەرۋگە قاتىستى شەشىمدەردى ۇسىنىپ جاتىر.
«قىمباتتاپ بارا جاتقان ازىق- تۇلىك باعاسىن ءتۇسىرۋ ءۇشىن بيداي تاسىمالى باعىتىندا قارا تەڭىزدەگى قارىم- قاتىناستى جانداندىرۋ كەرەك. الايدا بۇل داعدارىستىڭ ءمان- جايىن دۇرىس تۇسىنگەن ءجون. ياعني، سوعىس اياقتالماسا، پروبلەمالاردىڭ سالماعى دا اۋىرلاي بەرەدى. بيىل ازىق- تۇلىك داعدارىسىنىڭ سالدارىن اسا قاتتى سەزىنبەسەك تە، الداعى جىلى بۇل سالاداعى پروبلەمالار اۋقىمدى بولاتىنىن بايقايمىز»، - دەدى ب ۇ ۇ باس حاتشىسىنىڭ ءبىرىنشى ورىنباسارى.
ايتا كەتەيىك، حالىقارالىق ازىق- تۇلىك جانە اۋىل شارۋاشىلىعى ۇيىمىنىڭ باسشىسى سيۋي دۋنيۋي ۋكراينادان تاسىمالداناتىن جۇكتىڭ قىسقارۋى افريكا مەن ازياداعى ازىق- تۇلىك تاپشىلىعى قاۋپىن كۇشەيتەتىنىن ەسكەرتتى.
بۇدان بۇرىن حابارلانعانداي، بۇگىن مەملەكەت باسشىسى قاسىم- جومارت توقايەۆ ورتالىق ازياعا ساپارى اياسىندا قازاقستانعا كەلگەن ب ۇ ۇ باس حاتشىسىنىڭ ءبىرىنشى ورىنباسارى امينا مۇحاممەدتى قابىلدادى. ا. مۇحاممەد بىرىككە ۇلتتار ۇيىمى قازاقستاندا جۇرگىزىلىپ جاتقان رەفورمالاردى قولدايتىنىن اتاپ ءوتتى.
