ۇلتتىق قوردان الىناتىن قاراجات 2023-جىلى 2,2 تريلليون تەڭگەگە دەيىن قىسقارادى
«2021-جىلى ۇلتتىق بانكپەن بىرلەسىپ مۇنايدىڭ ەسەپتىك باعاسىن ايقىنداۋ ءتارتىبىن ازىرلەۋ جوسپارلانۋدا. وسىنى ەسكەرە وتىرىپ، كونترتسيكلدىك قاعيدا مۇناي باعاسى جوعارى بولعان كەزدە ۇلتتىق قوردىڭ قاراجاتىن كوبىرەك جيناۋعا جانە مۇناي باعاسى تومەن بولعان كەزدە بيۋجەتتىڭ تەڭگەرىمدىلىگى ءۇشىن كەپىلدەندىرىلگەن ترانسفەرتتى ۇلعايتۋعا مۇمكىندىك بەرەدى. بۇل فيسكالدىق ساياساتتىڭ شامادان تىس شىعىندار مەن قارىز الۋدىڭ وسۋىنە الىپ كەلەتىن تاپشىلىقتى كەڭەيتۋ جاعىنا اۋىتقۋىن بەيتاراپتاندىرۋعا مۇمكىندىك بەرەدى»، - دەپ جازادى ءاليحان ساميىلوۆ.
پرەمەر-ءمينيستردىڭ ءبىرىنشى ورىنباسارى كونترتسيكلدىك بيۋجەت قاعيداسىنىڭ تەتىگى 2023-جىلعا ارنالعان رەسپۋبليكالىق بيۋجەتتى قالىپتاستىرۋ كەزىندە قولدانىلاتىنىن ەسكەرتەدى.
«ۇلتتىق قوردان كەپىلدەندىرىلگەن ترانسفەرت مولشەرى بىرتىندەپ قىسقاراتىن بولادى.
ماسەلەن، 2021-جىلى كەپىلدەندىرىلگەن ترانسفەرتتى 2,7 تريلليون تەڭگەگە، 2022-جىلى 2,4 تريلليون تەڭگەگە، 2023-جىلى 2,2 تريلليون تەڭگەگە دەيىن قىسقارتۋ كوزدەلگەن»، - دەپ جازىلعان ءاليحان سمايىلوۆتىڭ جاۋابىندا.
