ۇ ق ك «دوستىق شەكاراسى - 2022» ارنايى وپەراتسياسىنىڭ قورىتىندىسىن شىعاردى
ءىس- شاراعا قازاقستان، ءۇندىستان، يران، قىتاي، قىرعىزستان، پاكىستان، رەسەي، تاجىكستان جانە وزبەكستان شەكارالىق قىزمەتتەرىنىڭ وكىلدەرى، بەلارۋس جانە موڭعوليا ەلدەرىنەن باقىلاۋشىلار، سونىمەن قاتار ش ى ۇ ايماقتىق تەرروريزمگە قارسى قۇرىلىمى مەن ت م د قاتىسۋشى مەملەكەتتەردىڭ شەكارا اسكەرلەرى قولباسشىلارىنىڭ كەڭەسى قاتىسىپ جاتىر. كەڭەس بارىسىندا ق ر ۇلتتىق قاۋىپسىزدىك كوميتەتى ءتوراعاسىنىڭ ورىنباسارى -شەكارا قىزمەتىنىڭ ديرەكتورى ەرلان الداجۇمانوۆ «دوستىق شەكاراسى - 2022» ارنايى شەكارالىق وپەراتسياسىنىڭ قورىتىندىسىن شىعاردى.
«ناتيجەلەرى وتە ماڭىزدى. وپەراتسيا بارىسىندا 226 شەكارا بۇزۋشى ۇستالدى، بەلگىلەنگەن شەكارا رەجيمدەرى مەن كوشى- قون زاڭناماسىن بۇزۋشى 2 مىڭنان استام ادام انىقتالدى، زاڭسىز اينالىمنان 68 اتىس قارۋى، 52 مىڭ وق- ءدارى، 590 كەلى ءتۇرلى ەسىرتكى مەن ەسىرتكى زاتتارى تاركىلەندى، 113 كونتراباندالىق ءتۇرلى تاۋار انىقتالدى. ونىڭ ىشىندە 46 كەلى باعالى مەتالل، 1 ميلليون ا ق ش دوللارىنان استام سوماعا ۆاليۋتا، ءدىني سيپاتتاعى تىيىم سالىنعان ادەبيەتتەر مەن باسپا ونىمدەرى جانە 146 توننا جانار- جاعارماي بار»، - ول.
سپيكەردىڭ سوزىنشە، بۇگىنگى وتىرىستا ش ى ۇ قاتىسۋشى ەلدەردىڭ مەملەكەتتىك شەكارالارىنداعى جاعدايلار بويىنشا سۇراقتار قاراستىرىلادى.
«بۇگىنگى وتىرىستا 2024 -جىلعا ارنالعان جۇمىس جوسپارى تالقىلانادى. سونىمەن قاتار قازىرگى تاڭداعى تەرروريزممەن، قارۋ جانە ەسىرتكى كونترابانداسىمەن، زاڭسىز كوشى- قونمەن بايلانىستى جانە وزگە دە قاتەرلەر مەن قاۋىپتەرگە قارسى ءىس- قيمىل بويىنشا جالپى شارالار قابىلدايتىن بولامىز»، - دەدى ەرلان الداجۇمانوۆ.
