قاتار-2022: بۇگىن فينالعا بەرىلەتىن العاشقى جولداما يەسى انىقتالادى

كەزدەسۋ ەلوردا ۋاقىتىمەن 13 ىنەن 14-جەلتوقسانعا قاراعان ءتۇنى ساعات 01.00 دە باستالادى. تىكەلەي ەفير «Qazaqstan» جانە «Qazsport» تەلەارنالارىنان كورسەتىلەدى.

ويىن لۋسايل قالاسىنداعى 89 مىڭعا جۋىق ادامعا ارنالعان «لۋسايل ايكونيك» ستاديونىندا وتەدى.

FIFA رەيتينگىندە ارگەنتينا – 3، حورۆاتيا 12-ورىندا تۇر.

ەكى قۇراما بۇعان دەيىن بەس مارتە كەزدەستى. قۇرامالار ەكى-ەكىدەن جەڭىسكە جەتسە، ءبىر ويىندا تەڭ ناتيجە تىركەلدى.

س توبىندا ارگەنتينا ساۋد ارابياسىنا 1:2 ەسەبىمەن ەسە جىبەرىپ، مەكسيكا مەن پولشانى 2:0 ەسەبىمەن جەڭسە، 1/8 فينالدا اۆستراليانى 2:1 ەسەبىمەن ۇتتى.

ارگەنتينالىق فۋتبولشىلار شيرەك فينالدا نيدەرلاندپەن نەگىزگى كەزەڭدە 2:2 ەسەبىمەن تەڭ ءتۇسىپ، پەنالتي تەبۋدە 4:3 ەسەبىمەن جەڭىسكە جەتتى.

ايتا كەتسەك، 14-جەلتوقسان كۇنى ەلوردا ۋاقىتىمەن 1.00 دە باستالاتىن جارتىلاي فينالدا فرانتسيا جانە ماروككو كەزدەسەدى. ماتچ «Qazaqstan» جانە «Qazsport» تەلەارنالارىنان تىكەلەي ەفيردە كورسەتىلەدى.

ەسكە سالايىق، بۇعان دەيىن جارتىلاي فينالعا نيدەرلاند قۇراماسىن جولدان تايدىرعان ارگەنتينا، انگليانى ۇتقان فرانسيا، پورتۋگاليانى جەڭگەن ماروككو، برازيليانى جەڭگەن حورۆاتيا جارتىلاي فينالعا شىققانىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى