ۇ ب ت-2022 تالداۋ: قازاق ءتىلدى تالاپكەرلەردىڭ ناتيجەسى جوعارى
ۇ ب ت-2022 ناتيجەلەرىنە تالداۋ مەكتەپتەر، اۋىلدار، اۋداندار، وبلىستار بولىنىسىندە جۇرگىزىلگەن. سونداي-اق تەستىلەنۋشىلەردىڭ گەندەرلىك ەرەكشەلىگى، تاپسىرۋ ءتىلى جانە ۇ ب ت پاندەرى بويىنشا دۇرىس جاۋاپتارىنىڭ سانى مەن پايىزى انىقتالعان.
ماسەلەن، ەلىمىز بويىنشا دۇرىس جاۋاپتاردىڭ پايىزى - %58 قۇرادى. ەڭ جاقسى ناتيجە - «وقۋ ساۋاتتىلىعى» پانىنەن، سۇراقتاردىڭ %82 دۇرىس جاۋاپ بەرىلگەن. ودان كەيىنگى ورىنداردا «قازاق ءتىلى» - %64 جانە «قازاق ادەبيەتى» - %60.
ال ەڭ از دۇرىس جاۋاپتار «فيزيكا» جانە «حيميا» پاندەرى بويىنشا بەرىلگەن - تيىسىنشە %40 جانە %38.
گەندەرلىك تالداۋعا سايكەس، قىزداردىڭ (%59) ناتيجەلەرى ۇلدارعا (%57) قاراعاندا جوعارى بولعان.
قالا بالالارى اۋىلداعى قۇرداستارىنا قاراعاندا ۇ ب ت- نى %3 جاقسىراق تاپسىرعان.
وبلىستار بويىنشا ەڭ ۇلكەن ايىرماشىلىق قوستاناي وبلىسىندا بايقالادى. وڭىردە قالادا تۇراتىن بالالاردىڭ ناتيجەسى - %61، اۋىل بالالارىنىڭ ناتيجەسى %56 قۇرايدى. بىلىمدەگى ەڭ از ايىرماشىلىقتى قىزىلوردا وبلىسىنىڭ تۇلەكتەرى كورسەتتى - %0,4 قۇرادى. مۇندا قالا بالالارىنىڭ كورسەتكىشى - %63,8، اۋىل بالالارىنىڭ كورسەتكىشى - %63,4 بولدى.
تەستىلەۋدى تاپسىرۋ ءتىلى ءبويىنشاقازاقتىلدى تالاپكەرلەردىڭ ناتيجەلەرى %0,4 ارتىق.
سونىمەن قاتار ۇ ب ت- دا تاپسىرىلعان ءاربىر ءپان بويىنشا تاقىرىپتىق تالداۋ جاسالدى. ماسەلەن، «ماتەماتيكا» پانىنەن تەستىلەۋدى قىزدار (%55) جاقسىراق تاپسىرىپ، ۇلداردان %47 باسىم ناتيجە كورسەتتى. وقىتۋ ءتىلى بويىنشا كورسەتكىشتەر ورىس تىلىندە %51، قازاق تىلىندە %49 قۇرادى. تۇلەكتەر ءۇشىن ەڭ كۇردەلى تاقىرىپ «تريگونومەتريالىق تەڭدەۋلەر» بولدى. بۇل تاقىرىپ بويىنشا دۇرىس جاۋاپتاردىڭ ۇلەسى نەبارى - %35. «ەكى اينىمالىسى بار سىزىقتىق تەڭدەۋلەر جۇيەسى. ەكى اينىمالىسى بار سىزىقتىق ەمەس تەڭدەۋلەر جۇيەسى» تاقىرىبىنداعى تاپسىرمالاردى جاقسى ورىنداپ، %71 ناتيجە كورسەتتى.
«وڭىرلەرگە جۇمىس ساپارلارى بارىسىندا مەن وبلىستىق ءبىلىم باسقارمالارىن وسى دەرەكتەرمەن تانىستىرامىن»، - دەيدى ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
ەسكە سالايىق، تەستىلەۋگە دايىندىق ساپاسىن ارتتىرۋ ماقساتىندا 2022-جىلعى ناۋرىزدا ۇ ب ت تەستىلەۋ ناتيجەلەرىنە جەكە تاقىرىپتىق تالداۋدى ەنگىزدى. ەمتيحان اياقتالعاننان كەيىن تۇلەكتەر دۇرىس جانە بۇرىس جاۋاپتارمەن عانا ەمەس، سونىمەن قاتار ۇبت ناتيجەلەرىنىڭ تولىق تالداۋىمەن دە تانىسا الدى. ياعني، تەستىلەنۋشىلەر جەكە تاقىرىپتار بويىنشا وزدەرىنىڭ ءالسىز جاقتارىن انىقتادى. تالداۋ تەستىلەۋ اياقتالعاننان كەيىن بىردەن قولجەتىمدى بولىپ، تەستىلەنۋشىنىڭ جەكە كابينەتىندە ساقتالدى.
بۇل تالداۋ تالاپكەرلەر ءۇشىن نەگىزگى ۇ ب ت- نى ەكى رەت وتكىزۋ بارىسىندا ەرەكشە ماڭىزعا يە. ياعني ەمتيحاننىڭ العاشقى مۇمكىندىگىندە تەستىلەنۋشى ءار ءپان بويىنشا ءپاندى مەڭگەرۋ دەڭگەيىن ءتۇسىنىپ، قاتەلىكتەر جىبەرىلگەن تاقىرىپتاردى قايتا تەرەڭىرەك يگەرە الدى. وسىلايشا، ۇ ب ت- نىڭ ەكىنشى مۇمكىندىگىندە ناتيجەلەرىن جاقسارتۋ مۇمكىندىگى بولدى.
