قاتار-2022: ۆ توبىنىڭ ۇزدىگى كىم بولادى

اتالعان توپتاعى ەكى ويىن دا ەلوردا ۋاقىتىمەن 1:00 دە باستالادى.

بۇل توپتا بارلىق قۇرامانىڭ جارىستى جالعاستىرۋىنا مۇمكىندىگى بار. ەكى تۋردان كەيىن انگليانىڭ – 4، يراننىڭ – 3، ا ق ش- تىڭ – 2، ۋەلستىڭ 1 ۇپايى بار.

ۋەلس پەن انگليا كەزدەسۋى «Qazaqstan» تەلەارناسىنان تىكەلەي ەفيردە كورسەتىلەدى.

ويىن ال- رايان قالاسىنداعى 45032 جانكۇيەرگە ارنالعان «احمەد بين الي» ستاديونىندا بولادى. باس تورەشى - سلوۆەنيالىق سلاۆكو ۆينچيچ.

ەكى قۇراما بۇعان دەيىن 103 مارتە كەزدەستى. ونىڭ 14 دە ۋەلس، 68 دە انگليا جەڭىسكە جەتسە، قالعانىندا تەڭ ناتيجە تىركەلدى.

بۇل توپتاعى يران مەن ا ق ش ويىنىن دا جانكۇيەرلەر «Qazsport» تەلەارناسىنان تاماشالاي الادى.

ويىن ەل استاناسى دوحا قالاسىنداعى 44400 جانكۇيەرگە ارنالعان «ەل- تۋماما» ستاديونىندا وتكىزىلەدى. باس تورەشى - يسپانيالىق انتونيو لاوس.

ەكى قۇراما بۇعان دەيىن ەكى مارتە كەزدەستى. 1998 -جىلعى الەم چەمپيوناتىندا يران اتالعان قارسىلاسىن 2:1 ەسەبىمەن سۇرىندىرسە، 2000 -جىلى جولداستىق كەزدەسۋدە 1:1 ەسەبى تىركەلدى.

ەسكە سالساق، G توبىندا كامەرۋن مەن سەربيا 3:3 ەسەبىمەن تەڭ تۇسسە، برازيليا شۆەيتساريادان 1:0 ەسەبىمەن باسىم ءتۇستى.

سونداي- اق، H توبىندا گانا وڭتۇستىك كورەيانى 3:2، پورتۋگاليا ۋرۋگۆايدى 2:0 ەسەبىمەن جەڭدى.

فوتو:tructiephomnayy.blogspot.com

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى