قاتار-2022: نيدەرلاند قۇراماسى ەكۆادوردى جەڭە الا ما

العاشقى كەزدەسۋ قاتار مەن سەنەگال اراسىندا وتكىزىلىپ، ەلوردا ۋاقىتىمەن 19:00 دە «Qazsport» تەلەارناسىنان تىكەلەي ەفيردە كورسەتىلەدى.

كەزدەسۋ ەل استاناسى - دوحا قالاسىندا 44400 جانكۇيەرگە ارنالعان «ەل-تۋماما» ستاديونىندا وتكىزىلەدى. باس تورەشى - يسپانيالىق انتونيو لاوس.

ەكى قۇراما ءوزىنىڭ تاريحىندا تۇڭعىش مارتە كەزدەسىپ وتىر.

ءبىرىنشى تۋردا قاتار قۇراماسى ەكۆادورعا، سەنەگال نيدەرلاندىعا 0:2 ەسەبىمەن جول بەردى.

سوندىقتان بۇگىنگى كەزدەسۋدىڭ ەكى قۇراما ءۇشىن دە ماڭىزى ارتىپ تۇر. ەكەۋى دە جەڭىسكە جەتەتىن جولدى ىزدەيتىنى انىق. راس، ءبىرىنشى كەزدەسۋدە قاتارلىق فۋتبولشىلار جانكۇيەر كۇتكەن ويىن ورنەگىن كورسەتە العان جوق. ال سەنەگالدىق قۇراما سوڭعى ساتتە عانا قارسىلاسىنا ەسە جىبەرىپ قويدى.

ەندى ەكەۋى وزدەرىنىڭ شەبەرلىك دەڭگەيى قانداي ەكەنىن كورسەتۋىنە مۇمكىندىك تۋىپ وتىر.

اتالعان توپتاعى نيدەرلاند پەن ەكۆادور ەلوردا ۋاقىتىمەن 22:00 دە «Qazsport» تەلەارناسىنان تىكەلەي ەفيردە كورسەتىلەدى.

ويىن ەل استاناسى - دوحا قالاسىندا ورنالاسقان 45857 جانكۇيەرگە ارنالعان «حاليفا ينتەرنەيشنل» ستاديونىندا وتكىزىلەدى. باس تورەشى - الجيرلىك مۋستافا گوربال.

ەكى قۇراما بۇعان دەيىن ەكى مارتە جولداستىق كەزدەسۋ وتكىزدى. 2006-جىلى 1- ناۋرىزىندا نيدەرلاندىلىق فۋتبولشىلار قارسىلاسىنان 1:0 ەسەبىمەن باسىم تۇسسە، 2014-جىلدىڭ 17- مامىرىندا 1:1 ەسەبىنە قاناعات ءبىلدىردى.

قۇرامالار العاشقى جەڭىسىنەن كەيىن تۋرنير كەستەسىندەگى جاعدايىن جاقسارتىپ الدى. دەسە دە پلەي-وفف ساتىسىنا شىعۋ مۇمكىندىگىن ەرتەرەك شەشۋگە تىرىساتىنى انىق. سوندىقتان جانكۇيەرلەر ولاردىڭ تاراپىنان تارتىستى ويىن كۇتەدى.

سونداي-اق، بۇگىن، 25- قاراشاادا ەلوردا ۋاقىتىمەن 16:00 دە ۋەلس پەن يران كەزدەسۋى «Qazsport»، 01:00 دە انگليا مەن ا ق ش ويىنى «Qazaqstan» مەن «Qazsport» تەلەارنالارىنان تىكەلەي ەفيردە كورسەتىلەدى.

ەسكە سالساق، 24- قاراشادا ءبىرىنشى تۋر ويىندارى مارەسىنە جەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى