الماتىدا شاحماتتان 2022-جىلعى الەم چەمپيوناتى وتەدى
الماتى. قازاقپارات - الماتىدا شاحماتتىڭ جىلدام جانە بليس تۇرلەرىنەن 2022-جىلعى الەم چەمپيوناتى وتەدى، دەپ حابارلايدى قازاقپارات حالىقارالىق شاحمات فەدەراتسياسىنىڭ (ف ي د ە) سايتىنا سىلتەمە جاساپ حابارلايدى.
«ف ي د ە راپيد جانە بليستەن 2022-جىلعى الەم چەمپيوناتتارىنىڭ وتەتىن كۇنى مەن ورنىن راستاۋعا قۋانىشتى. بەدەلدى شارا ىلە الاتاۋى بوكتەرىندە ورنالاسقان قازاقستاننىڭ ءىرى مەگاپوليسى - الماتىدا وتەدى»، - دەلىنگەن ف ي د ە مالىمەتىندە.
چەمپيونات 25- جەلتوقساننان (سپورتشىلاردىڭ كەلۋى جانە تۋرنيردىڭ اشىلۋ سالتاناتى) 30- جەلتوقسانعا دەيىن (سوڭعى ويىن كۇنى جانە جابىلۋ سالتاناتى) وتەدى.
«كوپتەگەن ەلدەر (100 دەن استام) قازاقستانعا ۆيزاسىز رەجيمدى، سونداي-اق ۆيزالىق-ميگراتسيا پورتالى ارقىلى بەرىلەتىن ءبىر رەتتىك ەلەكتروندى ۆيزانى الۋدىڭ جەڭىلدەتىلگەن ءتارتىبىن پايدالانا الادى»، - دەلىنگەن فەدەراتسيا اقپاراتىندا.