بەيجىڭ-2022: جىگىتتەرىمىز دە العاشقى ىرىكتەۋدە ۇزدىك وندىقتان تىس قالدى

ءبىرىنشى ىرىكتەۋ اينالىمىندا ەل نامىسىن قورعاعان ەكى سپورتشىمىز دا ۇزدىك وندىققا ەنبەي قالدى.

دميتري رەيحەرد 75.43 ۇپايمەن جارىستى جالپى ەسەپتە 12-ورىنمەن اياقتاسا، پاۆەل كولماكوۆ 74.09 ۇپايمەن 17-ورىندا قالدى. ەندى ەكى سپورتشى دا 5- اقپان كۇنى وتەتىن ىرىكتەۋ كەزەڭىنىڭ ەكىنشى اينالىمىندا تاعى ءبىر مارتە سىنعا تۇسەدى.

ىرىكتەۋ كەزەڭىنىڭ قورىتىندىسى بويىنشا العاشقى وندىققا ەنگەن موگۋلشىلار فينالعا بىردەن جولداما الدى.

قازىر ەرلەر اراسىندا كانادالىق ميكاەل كينگسبەري 81.15 ۇپايمەن كوش باستاپ كەلەدى. ەستەرىڭىزگە سالا كەتەيىك، وسىعان دەيىن ايەلدەر اراسىندا وتكەن ىرىكتەۋ سىنىندا قازاقستاندىق اتلەتتەر ۇزدىك وندىققا ەنبەي قالعانىن جازعان بولاتىنبىز.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى