بەيجىڭ-2022: فريستايل-موگۋلدان ىرىكتەۋدە قازاقستاندىقتار ۇزدىك وندىققا كىرە المادى

تۋرنير ەرەجەسىنە سايكەس، ىرىكتەۋدە العاشقى وندىققا ەنگەن سپورتشىلار فينالعا جولداما الادى.

قالعان قاتىسۋشىلار ەكىنشى ىرىكتەۋ كەزەڭىندە باق سىنايدى.

بۇگىنگى فريستايل-موگۋلدان ايەلدەر اراسىندا العاشقى سىندا جارىسقا قاتىسقان وتانداستارىمىزدان ولەسيا گراۋر (57.18 ۇپاي) - 23-ورىندى يەلەنسە، اياۋلىم امىرەنوۆا (66.82 ۇپاي) - 16-ورىنعا جايعاستى. ال اناستاسيا گورودكو جارىستى سوڭىنا دەيىن اياقتاي العان جوق.

وكىنىشكە قاراي ۇلتتىق قۇرامانىڭ كوشباسشىسى، 2018-جىلعى قىسقى وليمپيادانىڭ قولا جۇلدەگەرى يۋليا گالىشيەۆا بەيجىڭدە ءوتىپ جاتقان قىسقى وليمپيادادا موگۋلدان جارىسقا شىقپاي قالدى.

ەندى، قازاقستاندىق سپورتشىلار ىرىكتەۋدىڭ ەكىنشى اينالىمىندا سىنعا تۇسەدى. ەكىنشى كەزەڭ 6 اقپانعا جوسپارلانعان.

اتالعان سپورت تۇرىندە 13 جۇلدە جيىنتىعى ساراپقا سالىنادى. ويىنداردى «Qazaqstan»، «Qazsport»، «حابار» جانە «el arna» تەلەارنالارىنان تىكەلەي ەفيردەن كورۋگە بولادى.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى