بەيجىڭ-2022: كەرلينگتەن العاشقى جارىستار ءوتىپ جاتىر

بۇگىن كەرلينگتەن دابل-ميكست بويىنشا توپتىق كەزدەسۋلەر ءوتىپ جاتىر.

ءبىرىنشى جارىس كۇنىندە ۇلى بريتانيا مەن شۆەتسيا، اۆستراليا مەن اقش، نورۆەگيا مەن چەحيا، قىتاي مەن شۆەيتساريا اراسىندا ماتچتار وتۋدە. كەرلينگتەن دابل-ميكست بويىنشا ون قۇراما كوماندا جۇلدەگە تالاسادى.

ءبىرىنشى اينالىمنان سوڭ ءتورت ۇزدىك كوماندا جارتىلاي فينالعا جولداما الادى.

فينال جانە قولا مەدال ءۇشىن كەزدەسۋ 8- اقپانعا جوسپارلانعان.

ەرتەڭ، ياعني 3- اقپان كۇنى قازاقستاندىق فريستايلشىلار العاشقى ىرىكتەۋ جارىستارىن باستايدى.

فريستايل- موگۋلدان بەيجىڭ وليمپياداسىندا قازاقستان اتىنان التى سپورتشى سىنعا تۇسەدى. قازاقستان كومانداسىنىڭ ەنشىسىندە التى جولداما بار.

قىسقى ويىنداردا ءتورت ايەل جانە ەكى ەر ادام باق سىنايدى.

اتاپ ايتار بولساق، يۋليا گالىشيەۆا، اياۋلىم امىرەنوۆا، ولەسيا گراۋر، اناستاسيا گورودكو، دميتري رەيحەرد جانە پاۆەل كولماكوۆقا جانكۇيەر بولامىز.

اتالعان سپورت تۇرىندە 13 جۇلدە جيىنتىعى ساراپقا سالىنادى. فريستايلشىلار دوداسى 3-19- اقپان ارالىعىنا جوسپارلانعان.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى