بەيجىڭ-2022: ا ق ش وليمپياداعا قاتىساتىن سپورتشىلار سانى جاعىنان كوش باسىندا تۇر

بۇل جونىنەن اتالعان مەملەكەت كوش باستاپ تۇر، دەپ حابارلايدى قازاقپارات ءتىلشىسى. ودان كەيىنگى ورىندا رەسەي مەن كانادا بار. رەسەيدەن - 212، كانادان - 211 سپورتشى جارىس جولىنا شىعادى. سونداي-اق، قىتايدان 171 سپورتشى قاتىسادى، ودان كەيىنگى ورىندارداعى شۆەيتساريادان - 168، گەرمانيادان - 148، جاپونيادان - 122، شۆەتسيادان -116، چەحيادان - 114، يتاليادان - 112، اۆستريادان - 108، فينليانديادان - 96، فرانسيادان - 85، نورۆەگيادان - 52، ۇلىبريتانيادان - 50، ۋكراينادان - 45، اۆستراليادان - 44، قازاقستاننان - 34، وڭتۇستىك كورەيادان - 38، بەلارۋستەن 28 ساڭلاق ەل نامىسىن قورعايدى.

جالپى، اتالعان ءدۇبىرلى دوداعا 90-نان استام ەلدەن سپورتشىلار كەلەدى دەپ كۇتىلۋدە. ولاردىڭ جالپى سانى 4000-عا جۋىق. قازاقستان قىسقى وليمپياداعا 1994 -جىلدان باستاپ تاۋەلسىز مەملەكەت رەتىندە قاتىسىپ كەلەدى. سول جىلى ليللەحاممەردە (نورۆەگيا) 29 سپورتشىمىز سايىسقا ءتۇستى. ال 1998 -جىلى ناگانودا (جاپونيا) 60، 2002 -جىلى سولت- لەيك- سيتيدە (ا ق ش) - 50، 2006 -جىلى تۋريندە (يتاليا) - 56، 2010 -جىلى ۆانكۋۆەردە (كانادا) - 39، 2014 -جىلى سوچيدە (رەسەي) - 52، 2018 پحەنچحاندا (وڭتۇستىك كورەيا) - 46 سپورتشى ءدۇبىرلى دوداعا قاتىستى. بۇگىنگى كۇنگە دەيىن قازاقستاندىق سپورتشىلار 1 التىن، 3 كۇمىس، 4 قولا مەدال الدى.

ەسكە سالساق، بۇدان بۇرىن 2022 -جىلعى قىسقى وليمپياداعا قاي ەلدەردەن سپورتشىلار كەلەتىنى جونىندە حابارلاعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى