بەيجىڭ-2022: شاڭعىشىلار مەن بياتلونشىلار وليمپيادا الدىنداعى جاتتىعۋعا كىرىستى

ق ر ۇلتتىق وليمپيادا كوميتەتى ءمالىم ەتكەندەي، سپورتشىلار سوڭعى جاتتىعۋ جيىندارىن شەتەلدەردە وتكىزدى، سوندىقتان قىتايعا دەيىنگى ساپار بارىسىندا بارلىق قاۋىپسىزدىك شارالارىن ساقتادى. بياتلونشىلار بەيجىڭگە ىستانبۇلدان كەلدى. سونداي-اق، وسى رەيسپەن بەيجىڭگە شاڭعىشىلار دا ۇشىپ كەلدى.

ولار دا تاۋلى ايماق چجانتسزياكوۋدا سىنعا تۇسەدى.

ەستەرىڭىزگە سالا كەتەيىك، XXIV قىسقى وليمپيادا ويىندارىنا قازاقستان قۇراماسىنان بارلىعى 34 سپورتشى قاتىسادى، ولار 87 جولداما جەڭىپ الدى.

بۇگىندە ولار وليمپيادا قالاشىعىنا ورنالاستى.

قازاقستاندىقتار شاڭعى جارىسى، فريستايل اكروباتيكا جانە موگۋل، كونكيمەن جۇگىرۋ، شورت-ترەك، بياتلون، تاۋ شاڭعىسى، تۇعىردان سەكىرۋ، شاڭعى قوسسايىسى سياقتى 8 سپورت تۇرىنەن سىنعا تۇسەدى.

ويىنداردى «Qazaqstan»، «Qazsport»، «حابار» جانە «el arna» تەلەارنالارىنان تىكەلەي ەفيردەن كورۋگە بولادى.

ءتورتجىلدىق دودانىڭ اشىلۋ سالتاناتى نۇر-سۇلتان ۋاقىتىمەن 4 - اقپان كۇنى، ساعات 17:55-تە باستالادى.

وليمپيادانىڭ سالتاناتتى اشىلۋ راسىمىندە ەلىمىزدىڭ بايراعىن بيىل العاش رەت ءبىر ەمەس، ەكى سپورتشى الىپ شىعادى. ونىڭ ءبىرى - شورت-ترەكتەن قازاقستان قۇراماسىنىڭ كوشباسشىسى ابزال اجىعاليەۆ بولسا، ەكىنشىسى - كونكيشى ەكاتەرينا ايدوۆا.

ەكى سپورتشىمىز دا - قۇراماداعى تاجىريبەلى، جۇلدەگە تالاسۋعا مۇمكىندىگى جوعارى سپورتشىلار.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى