بەيجىڭدە 2022 -جىلعى قىسقى وليمپيادا ويىندارىنىڭ جاقىنداۋىندا بايلانىستى ەپيدقاداعالاۋ كۇشەيتىلدى
بۇل تۋرالى وسى دەمالىس كۇندەرى قالادا COVID-19 ۆيرۋسىنىڭ تارالۋىنا قارسى كۇرەس بويىنشا قالالىق اكىمشىلىكتىڭ باسقارۋ توبىنىڭ باسپا ءسوز كونفەرەنتسياسىندا جاريالاندى، دەپ حابارلايدى قازاقپارات.
17 -قاراشادان باستاپ، تاياۋدا قىتايدىڭ 21 پروۆينتسياسىندا COVID-19 ۆيرۋسىنىڭ ورشۋىنە بايلانىستى بەيجىڭگە باسقا ايماقتاردان كەلۋشىلەردىڭ بارلىعى 48 ساعات ىشىندە كوروناۆيرۋستىڭ تەرىس قورىتىندىسىن كورسەتەتىن تەست پەن بەيجىڭدىك جاسىل ءتۇستى «دەنساۋلىقتىڭ QR- كودىن» ۇسىنۋى ءتيىس. سونىمەن قاتار، كەلەسى سارسەنبىدەن باستاپ 14 كۇننىڭ ىشىندە كوروناۆيرۋس جۇقتىرۋدىڭ بىرنەشە وقيعاسى تىركەلگەن اۋدان تۇرعىندارىنا بەيجىڭگە كىرۋگە (نەمەسە ورالۋعا) قاتاڭ تىيىم سالىنعان.
بۇدان بولەك، بەيجىڭ تۇرعىندارىنا قۇرلىقتاعى شەكارا وتكەلدەرى ورنالاسقان اۋداندارعا شىعۋعا تىيىم سالىندى. بەيجىڭ بيلىگى ەپيدەميانىڭ الدىن الۋ جانە قاداعالاۋ بويىنشا قاتاڭ شارالار قابىلداۋ 2022 -جىلدىڭ 4-20 اقپان كۇندەرىنە جوسپارلانعان قىسقى وليمپيادا ويىندارىن ءقاۋىپسىز وتكىزۋدى قامتاماسىز ەتۋ ءۇشىن قاجەت ەكەنىن اتاپ ءوتتى.
قالا بيلىگى جاڭا ەپيدەميولوگيالىق قاداعالاۋ شارالارى اياسىندا بەيجىڭدە قاجەتسىز كەزدەسۋلەردىڭ بارلىعىن وتكىزبەۋدى شەشتى. وتكەن سەنبىدە بەيجىڭدە كوروناۆيرۋسقا شالدىعۋدىڭ ءبىر وقيعاسى انىقتالسا، بۇكىل قۇرلىقتىق قىتايدا ۆيرۋس جۇقتىرۋدىڭ 47 وقيعاسى تىركەلگەن.
