فۋتبولدان الەم چەمپيوناتى-2022: فرانسيا ىرىكتەۋ كەزەڭىن تەڭ ويىنمەن باستادى

قازاقستان قۇراماسى سىنعا تۇسەتىن D توبىندا ەكى كەزدەسۋ ءوتتى. ءوز الاڭىندا فرانسيا ۋكراينانى قابىلداسا، فينليانديا بوسنيا جانە گەرتسوگوۆينامەن كۇش سىناستى . جانكۇيەرلەر نازارى نەگىزىنەن فرانسيا مەن ۋكراينا قۇرامالارى اراسىنداعى ويىنعا اۋعانى ايدان انىق.

الەمنىڭ كوپتەگەن جۇلدىزدارى جينالعان فرانسۋزدار ءوز توبىندا ۋكرايندىقتاردى باستى قارسىلاسى سانايتىنىن ايتىپ ءوتتى. سوندىقتان نەگىزگى قۇرامدا تاجىريبەلى فۋتبولشىلاردى جاسىل الاڭعا شىعاردى.

ەسەپتى العاش بولىپ الاڭ يەلەرى اشتى. فرانسۋز شابۋىلشىسى انتۋان گريزمانن 19-مينۋتتا مەرگەندىگىمەن كوزگە ءتۇستى. ال 57-مينۋتتا فرانسيالىق قورعاۋشى پرەسنەل كيمپەمبە ءوز قاقپاسىنا گول سوعىپ الدى. وسىلايشا كەزدەسۋ 1:1 ەسەبىمەن تەڭ اياقتالدى.

اتالعان توپتاعى فينليانديا بوسنيا جانە گەرتسوگوۆينامەن 2:2 ەسەبىمەن تەڭ ءتۇستى. ەندى ەكىنشى تۋر ويىندارى 28- ناۋرىز كۇنى بولادى. بۇل كۇنى ءوز الاڭىندا قازاقستان فرانسيانى قابىلداسا، ۋكراينا فينليانديامەن شەبەرلىك بايقاسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى