فۋتبولدان 2022-جىلعى الەم چەمپيوناتىنىڭ ويىن كەستەسى جاريالاندى

توپتىق كەزەڭنىڭ العاشقى ويىنى 21- قاراشا كۇنى ءال-حور قالاسىنداعى «ءال-بايت» ستاديونىندا وتكىزىلەدى.

كەزدەسۋ جارىس قوجايىنى - كاتار جانە ءدۇبىرلى دودادا A توبىندا سىنعا تۇسەتىن قۇراما اراسىندا بولادى. بۇل ارەنا 60 مىڭنان استام جانكۇيەرگە ارنالعان. وندا توپتىق كەزەڭدەگى جانە جارتىلاي فينالداعى ءبىر ويىن بولادى. توپتىق كەزەڭدەگى ويىندار 12 كۇنگە سوزىلادى.

ءدۇبىرلى دوداعا جولداما العان قۇرامالار 21 - قاراشا مەن 2 - شىلدە ارالىعىندا توپتىق كەزەڭدە سىنعا تۇسەدى.

ءار كۇندە ءتورت ويىننان وتكىزىلەدى. ويىندار ەلوردا ۋاقىتىمەن 16.00، 19.00، 22.00، 01.00-دە بولادى.

ال ءۇشىنشى تۋر مەن پلەي-وفف ويىندارى ەلوردا ۋاقىتىمەن 21.00، 01.00 دە وتكىزىلەدى. ال قۇرامالار 1/8 فينالدا 3-6، شيرەك فينالدا 9-10- جەلتوقسان كۇندەرى ءوزارا كەزدەسەدى.

جارتىلاي فينال 13- جانە 14- جەلتوقسانعا جوسپارلانعان.

فينال 18- جەلتوقساندا لۋسايل قالاسىنداعى 86 مىڭ ادامدى قابىلداي الاتىن ۇلتتىق ستاديوندا بولادى. بۇدان بۇرىن چەمپيوندار ليگاسى شيرەك فينالىنىڭ جەرەبەسى تارتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى