الەۋمەتتىك قاشىقتىق ەرەجەسى 2022-جىلعا دەيىن ساقتالۋى مۇمكىن

بۇل تۋرالى عالىمدار ايتتى، دەپ جازادى The Guardian.

«Science جۋرنالىندا جاريالانعان زەرتتەۋ ناتيجەلەرىندە عالىمدار ءبىر رەتتىك كارانتين كوروناۆيرۋستى جەڭۋ ءۇشىن جانە پاندەميانى تولىق باقىلاۋعا الۋ ءۇشىن جەتكىلىكسىز بولۋى مۇمكىن ەكەنىن جازعان. ۆاكتسينا تابىلماسا نەمەسە COVID-19-دى ەمدەۋدىڭ ءتيىمدى ادىستەرى تابىلماسا، ۆيرۋستىڭ تارالۋى 2025-جىلعا دەيىن توقتاماۋى مۇمكىن»، - دەپ جازادى باسىلىم.

گارۆارد ۋنيۆەرسيتەتىنىڭ ەپيدەميولوگيا پروفەسسورى مارك ءليپسيچتىڭ ايتۋىنشا، ينفەكتسيا ۆيرۋس جۇقتىرۋ قاۋپى بار ادام باردا تارالا بەرەدى. ەگەر ۇجىمدىق يممۋنيتەت بولماسا، ادامداردىڭ كوبى ۆيرۋس جۇقتىرۋى مۇمكىن.

«ۇكىمەتتەر حالىقتى شەكتەۋ شارالارىن ساتىلاپ جۇمسارتىپ، جاڭا جۇقتىرۋ جاعدايلارىن باقىلاۋعا الۋى مۇمكىن. دەگەنمەن، 70 جاستان اسقان ادامدار مەن اۋرۋى بار ادامداردىڭ قاشىقتىقتى ساقتاۋى، ادامدار كوپ جۇرەتىن جەرگە بارماۋى سەكىلدى ەرەجەلەر ساقتالۋى ءتيىس. ەگەر ۆاكتسينا نەمەسە ەم تابىلسا، الەۋمەتتىك قاشىقتىقتى ساقتاۋ قاجەتتىلىگى بولمايدى»، - دەپ جازىلعان ماقالادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى