ف ي ف ا 2022-جىلعى الەم چەمپيوناتى مەرزىمىن بەكىتتى

چەمپيونات 2022-جىلعى 18- جەلتوقساندا مارەگە جەتەدى. بۇدان بۇرىن FIFA- نىڭ باس حاتشىسى جەروم ۆالكە جاھاندىق جارىستىڭ ادەتتەگىدەن 4 كۇنگە ازايىپ، 28 كۇنگە سوزىلاتىنىن ايتىپ ەدى. وسى ماۋلىتپەن ەسەپتەي كەلگەندە، بىرىنشىلىكتىڭ 21- قاراشادا باستالاتىنىن بىلۋگە بولادى. جاقىن كۇندەردە فەدەراتسيانىڭ جۇمىس توبى ۇلتتىق قۇرامالاردىڭ 2019-2022-جىلدار كەزەڭىندەگى كۇنتىزبەسىن جاساۋعا كىرىسەدى.

كاتار چەمپيوناتتى وتكىزۋ قۇقىعىن 2010-جىلعى جەلتوقساندا جەڭىپ الدى. سول كەزدە-اق بۇل مۋنديالدىڭ قىس ايلارىندا وتكىزىلەتىنى ايتىلدى.

سەبەبى، جازدا اۋا رايىنىڭ ىستىقتىعى ادام توزبەستەي بولاتىن بۇل ەلدە تەك سالقىن كەزدە عانا جارىس وتكىزۋگە بولاتىن ەدى. وسىدان كەيىن الەمدەگى ءبىرقاتار بۇقارالىق اقپارات قۇرالدارى كاتارلىق موحامەد بين حاممامنىڭ 2022-جىلعى الەم چەمپيوناتىن ءوز ەلىندە وتكىزۋىن قولداۋلارى ءۇشىن ءبىرقاتار فۋتبول شەنەۋنىكتەرىنە پارا بەرگەنى تۋرالى قاۋەسەت بۇرق ەتە قالعان.

ال اتقارۋ كوميتەتىنىڭ مۇشەسى فرانتس بەككەنباۋەر وسى ينتسيدەنتتى تەكسەرۋگە كومەك بەرۋدەن باس تارتقانى ءۇشىن 90 كۇن جۇمىستان شەتتەتىلدى. ءبىراق پارا بەرىلگەنى جونىندەگى اقپاردى راسقا شىعارۋدىڭ ورايى كەلگەن جوق.

egemen.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى