بلاتتەر 2022-جىلعى الەم چەمپيوناتىن كاتاردا وتكىزۋ تەرىس شەشىم ەكەنىن ايتتى
بلاتتەر كاتار ۇيىمداستىرۋشى كوميتەتىنىڭ مالىمدەمەسىندە جاز مەزگىلىندە ەلدە وتە ىستىق بولاتىنى جازىلعانىن، الايدا ف ي ف ا اتقارۋشى كوميتەتى 2010-جىلى 10-جەلتوقساندا تسيۋريحتە ءتۋرنيردىڭ وسى ەلدە ءوتۋى ءۇشىن داۋىس بەرگەنىن اتاپ ءوتتى.
- بۇل - بۇرىس شەشىم،-دەدى بلاتتەر. - الايدا ومىردە مۇنداي جاعدايلار بولىپ تۇرادى.
ەستەرىڭىزگە سالا كەتەيىك، فۋتبول ماماندارى چەمپيونات ۇيىمداستىرۋ مەرزىمىن 2022-جىلدىڭ ماۋسىم-شىلدە ايلارىنان 2022-جىلدىڭ قىسىنا نەمەسە 2023-جىلعا شەگەرۋدى ۇسىندى.
الايدا حالىقارالىق وليمپيادا كوميتەتىنىڭ وكىلدەرى فۋتبول ءمۋنديالىنىڭ قىستا وتۋىنە قارسى. ولار وسى كەزدە وتەتىن وليمپيادا ويىندارىنىڭ تەليەۆيزيالىق رەيتينگىسىن جوعالتقىسى كەلمەيدى.
الەم چەمپيوناتىن قىسقا اۋىستىرۋعا ەۋروپا كاسىبي فۋتبول ليگالارىنىڭ قاۋىمداستىعى دا قارسى شىقتى. سەبەبى 2022-جىلعى چەمپيوناتتى قىس مەزگىلىندە وتكىزسە، ۇلتتىق چەمپيوناتتاردا 8 اپتالىق ءۇزىلىس جاساۋعا تۋرا كەلەدى. ماۋسىم ورتاسىنداعى مۇنداي ءۇزىلىس كلۋبتار مەن ولاردىڭ دەمەۋشىلەرىنىڭ قارجى جاعدايىنا كەرى اسەرىن تيگىزەدى.
ف ي ف ا-نىڭ ارنايى كوميسسياسى بۇگىندە ءتۇرلى شەشىمدەردى قاراستىرۋدا. بۇل ماسەلە 2015-جىلدىڭ ناۋرىزىنا دەيىن شەشىلەدى دەپ كۇتىلۋدە.
