وليمپيادا-2022: الماتىدا قازىرگى تاڭدا قاجەتتى سپورت نىساندارىنىڭ 70 پايىزى بار
شاھار باسشىنىسىڭ ايتۋىنشا، الماتى 2014-جىلى وليمپيادا ويىندارىن وتكىزۋگە ءوتىنىم بەرگەننەن باستاپ قالا ەكونوميكاسى 2 ەسەگە ءوستى، 2014-جىلى يندەكس 1,7 پايىزعا ءوستى، 2015-جىلدىڭ ءبىرىنشى جارتى جىلدىعىندا قالا ەكونوميكاسى 8 پايىزعا ءوستى.
سونىمەن قاتار ينفراقۇرىلىم جاقساردى، سپورت پەن مادەنيەت نىساندارى جەتىلدىرىلدى. قالا باسشىسى الماتىنىڭ قازاقستاننىڭ ەكونوميكالىق ورتالىعى بولىپ تابىلاتىنىن جانە رەسپۋبليكالىق بيۋدجەتتىڭ باسىم بولىگىن قۇرايتىنىن حابارلادى، قالانىڭ ج ءى و الەمدىك داعدارىسقا قاراماستان، ءبىزدىڭ كەيبىر كورشى مەملەكەتتەرىمىزدەن اسىپ تۇسەدى.
ح و ك كوميسسياسىنىڭ مالىمەتتەرى بويىنشا، قازىرگى تاڭدا الماتىدا قاجەتتى سپورت نىساندارىنىڭ 70 پايىزى بار. اكىم قازىر 2 سپورت سارايى، سپورتشىلارعا ارنالعان اتلەتتەر اۋىلى سالىنىپ جاتقانىن، ال 2017-جىلدىڭ باسىنا قاراي الماتىدا وليمپيادا-2022 قاجەتتى نىسانداردىڭ 80 پايىزى دايىن بولاتىنىن حابارلادى.
بۇعان قوسا 29- شىلدەدە ا. ەسىموۆ كۋالا-لۋمپۋردە ح و ك مۇشەلەرىمەن جانە رەسمي دەلەگاتسيامەن ءبىرقاتار ەكىجاقتى كەزدەسۋلەر وتكىزدى. وليمپيادا-2022 قابىلدايتىن قالا ح و ك مۇشەلەرى داۋىس بەرگەننەن كەيىن 31- شىلدەدە بەلگىلى بولادى.
30- شىلدە كۇنى تاڭەرتەڭ الماتى مەن بەيجىڭ قالالارىنىڭ اشىق تۇساۋكەسەرلەرى وتكىزىلدى.
