ءا چ-2022: ۋەلس قۇراماسى 64 جىلدان بەرى العاش رەت مۋنديالدا وينايدى
ەلوردا ۋاقىتىمەن 19:00-دە ۆ توبىنداعى انگليا - يران ءماتچى باستالادى. Transfermarkt ستاتيستيكاسىنا سۇيەنسەك، انگليا قۇرامى بويىنشا الەم چەمپيوناتىنداعى ەڭ قىمبات كوماندا سانالادى.
انگليا مەن يران بۇرىن ەشقاشان كەزدەسىپ كورمەگەن.
اعىلشىنداردىڭ قازىرگى ستاتيستيكاسى ناشارلاۋ، كوماندا قاتارىنان 6 ماتچ بويى جەڭە الماي كەلە جاتىر. يران قۇراماسى، كەرىسىنشە، كەيىنگى رەسمي 14 ماتچىنىڭ 12 سىندە جەڭىسكە جەتكەن.
بۇل ويىندى Qazaqstan مەن Qazsport تەلەارنالارى كورسەتەدى.
ال 22:00 دە سەنەگال - نيدەرلاند كەزدەسۋى بولادى. ا توبىنداعى ماتچتەر كەشە باستالعان. تۋرنيردىڭ اشىلۋ ماتچىندە ەكۆادور كاتار قۇراماسىن جەڭگەن ەدى.
سەنەگال قۇراماسى ساپىندا باستى جۇلدىز ساديو مانە جاراقاتىنا بايلانىستى بۇل تۋرنيرگە قاتىسپايدى. ال نيدەرلاندتىقتار قازىر بابىندا. 2021-جىلدىڭ قىركۇيەگىنەن بەرى جەڭىلمەي كەلە جاتىر - سودان بەرى 11 رەت جەڭىپ، ءتورت مارتە تەڭ تۇسكەن.
سەنەگال مەن نيلەرلاند ءبىر-بىرىمەن ەشقاشان كەزدەسىپ كورمەگەن. قۇرامالاردىڭ العاشقى ويىنىن تىكەلەي ەفيردە Qazsport تەلەارناسى كورسەتەدى.
تۇنگى 01:00 دە ا ق ش پەن ۋەلس اراسىنداعى ويىن باستاۋ الادى. بۇل - ۆ توبىنداعى كەزدەسۋ. قۇرامالار بۇعان دەيىن ەكى رەت كەزدەسكەن. ەكەۋى دە جولداستىق ماتچ. 2003-جىلى ا ق ش 2:0 ەسەبىمەن جەڭسە، 2020-جىلى سۋونسيدە كوماندالار ەسەپ اشا الماعان.
ۋەلس الەم چەمپيوناتىنا كەيىنگى رەت 1958-جىلى قاتىسقان. ال ا ق ش قۇراماسى بۇل تۇرعىدا تاجىريبەلى - مۋنديالعا 10 رەت باردى. الەم چەمپيوناتىنداعى ۇزدىك ناتيجەسى - 1930-جىلعى «قولا مەدال».
ماتچتى Qazsport تەلەارناسىنان تىكەلەي ەفيردە كورۋگە بولادى.
