قازاقستاندا ۇشۋ 2021 -جىلى قانشالىق قىمباتتادى
ماسەلەن، 2021 -جىلعى 10 ايدىڭ قورىتىندىسى بويىنشا ەلىمىزدە جولاۋشىلار اۋە كولىگى قىزمەتىنىڭ قۇنى 8,7 پايىزعا ارتتى، - دەپ حابارلايدى Kaz.tengritravel.kz ءتىلشىسى Finprom.kz سايتىنا سىلتەمە جاساپ.
اناليتيكالىق پورتالدىڭ مالىمەتىنشە، باسقا وڭىرلەرمەن سالىستىرعاندا ەڭ جوعارى ءوسىم تۇركىستان وبلىسىندا تىركەلگەن. جىلدىق ديناميكادا بىردەن 30 پايىزعا قىمباتتاعان. انتي-ليدەرلەردىڭ ۇشتىگىندە قىزىلوردا (جىلىنا 22,9 پايىز) جانە ماڭعىستاۋ (19,4 پايىز) وبلىستارى دا بار. تەك سولتۇستىك قازاقستان وبلىسىندا باعالار وتكەن جىلدىڭ قازانىنداعىداي دەڭگەيدە قالدى. بۇل رەتتە ءۇش وڭىردە: پاۆلودار (12,7 پايىزعا)، باتىس قازاقستان (15,3 پايىزعا) جانە اقمولا (22,5 پايىزعا) وبلىستارىندا باعانىڭ تومەندەۋى بايقالادى.
وسى جىلدىڭ قاڭتار- قىركۇيەك ارالىعىندا اۋەكومپانيالاردىڭ تابىسى ءبىر جىلدا ەكى ەسە ءوستى جانە جولاۋشىلار تاسىمالى ەسەبىنەن عانا 252,6 ميلليارد تەڭگەگە جەتتى. وعان قوسا، جۇك تاسىمالىنان تۇسكەن تابىسقا 13,1 ميلليارد تەڭگە ءتۇستى. 2020 -جىلى اۋەكومپانيالاردىڭ جالپى تابىسى 135,8 ميلليارد تەڭگەنى قۇرادى. ال ازاماتتىق اۆياتسيانىڭ شىعىنى 350 ميلليارد تەڭگەدەن استى. الايدا، كوروناۆيرۋس پاندەمياسىنا دەيىن - 2016 -جىلدان 2019 -جىلعا دەيىن ەلدە اۋەكومپانيالار تابىسىنىڭ تۇراقتى ءوسۋى بايقالدى.
