ۇشاق جوق. الاكولگە 2021 -جىلى قالاي جەتۋگە بولادى
وسىلايشا، تۋريستەرگە الاكولگە ۇشاقپەن ۇشۋ مۇمكىندىگى شەكتەلەدى. الاكولگە 2021 -جىلدىڭ جازىندا قالاي جەتۋگە بولادى؟ بۇل تۋرالى tengritravel.kz ماتەريالىندا.
ۇشاقپەن جەتۋ
الماتى وبلىسى اكىمدىگىنىڭ باسپا ءسوز قىزمەتىندەگىلەر تۇسىندىرگەندەي، ءۇشارال اۋەجايى جوندەۋ جۇمىستارىنىڭ ارقاسىندا كوپتەگەن جولاۋشى مەن باسقا اۋەتاسىمالداۋشىنىڭ زاماناۋي ۇشاقتارىن قابىلداي الادى. بۇرىن ۇشۋ- قونۋ جولاعىنا ۇلكەن ۇشاقتار قونا الماعان. جوندەۋ كەزىندە جۇمىستى بۇرىنعى رەجيمدە جالعاستىرۋ جوسپارلانىپ وتىر.
«ءبىز چەح وندىرىسىندەگى ل پ-410 ۇشاقتارىن الدىن الا ساتىپ الدىق، ولار تەك اسفالت جانە بەتون وتىرعىزۋ جولاقتارىنا عانا ەمەس، قيىرشىق تاسقا دا قونادى. جوندەۋ كەزىندە ءبىزدىڭ ۇشاقتار جولاۋشىلاردى تاسىمالدايدى جانە قيىرشىق تاس توسەمىنە قونادى. بۇل جاعداي الدىن- الا ويلاستىرىلعان. وسىلايشا، جازعى ماۋسىمدا بۇل جوندەۋ كەرى اسەر ەتپەيدى.
تالدىقورعاننان كۇن سايىن ەكى رەيس: تاڭەرتەڭ ساعات 10.00 جانە 11.30-دا ۇشادى. سونىمەن قاتار، اپتاسىنا ءۇش رەت - سارسەنبى، جۇما جانە جەكسەنبىدە ساعات 13.40 جانە 15.10-دا ۇشۋعا بولادى. بيلەت باعاسى - ەرەسەكتەرگە 8000 تەڭگە، بالالارعا 4000 تەڭگە.
الماتى مەن نۇر-سۇلتان قالالارىنان تۇراقتى تىكەلەي رەيستەر بولادى. قازىر كونكۋرس وتكىزىلىپ جاتىر»، - دەپ اتاپ ءوتتى وبلىس اكىمدىگىنىڭ باسپا ءسوز قىزمەتىندەگىلەر.
الايدا، ءبىز الاكولگە اۋە قاتىناسىنان باسقا قانداي جولمەن جەتۋگە بولاتىنىن ايتامىز. كول الماتى جانە شىعىس قازاقستان وبلىستارىنىڭ شەكاراسىندا ورنالاسقان. سوندىقتان الاكول كۋرورتتارىنا الماتىدان - وڭتۇستىك جاقتان، وسكەمەن جانە سەمەيدەن - شىعىستان جەتۋگە بولادى.
پويىزبەن جەتۋ
يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتىنشە، اۋەجايلاردىڭ جابىلۋىنا بايلانىستى 2021 -جىلدىڭ جازعى ماۋسىمىندا الماتى، نۇر-سۇلتان، سەمەي جانە وسكەمەننەن جالاڭاشكول ستانتسياسىنا دەيىن جاڭا پويىزدار ىسكە قوسىلادى.
الماتى- دوستىق قاتىناسىنداعى جولاۋشىلار پويىزى كۇنارا جۇرەتىن بولادى. بيلەتتەر كۋپە ءۇشىن 5361 تەڭگە، پلاتسكارت ءۇشىن 3600 تەڭگە بولادى.
جەكە تاسىمالداۋشى «تۇران ەكسپرەسس» ج ش س الماتى - دوستىق پويىزىن اپتاسىنا ءۇش رەت جۇزەگە اسىرادى. باعاسى - كۋپە مەن پلاتسكارتاداعى ورىن ءۇشىن تيىسىنشە 4482 جانە 2885 تەڭگە.
الماتى - دوستىق جاڭا پويىزى الاكولدىڭ وڭتۇستىك جاعالاۋىنا اپتاسىنا ءۇش رەت بارىپ، جولاۋشىنى پويىزدا ورنالاسۋىنا بايلانىستى 6689 نەمەسە 4432 تەڭگەگە جەتكىزەدى.
ەلوردادان نۇر-سۇلتان - دوستىق باعىتى بويىنشا اپتاسىنا ەكى رەت ەكى جولاۋشىلار پويىزى قاتىنايدى (10094 جانە 6608 تەڭگە).
بۇدان باسقا، «اراي ترانس» ج ش س جەكە تاسىمالداۋشىنىڭ پويىزدارى نۇر- سۇلتاننان دوستىق ستانتسياسىنا دەيىن كۇنارا كۋپەمەن 7389 تەڭگەگە جانە پلاتسكارتپەن 4831 تەڭگەگە قاتىنايدى.
سەمەي مەن وسكەمەننەن دە كۇنارا پويىزدار: سەمەي - دوستىق (3808 تەڭگە) جانە وسكەمەن - دوستىق (4133 تەڭگە) جۇرەدى.
اۆتوبۋسپەن نەمەسە كولىكپەن جەتۋ
شىعىس قازاقستان وبلىسى جاعىنان جاعالاۋعا سەمەيدەن جەتۋگە بولادى. بۇل قالانىڭ اۆتوۆوكزالىنان ادەتتەگى ۋاقىتتا: كەشكى ساعات 7-دە سەمەي - ءۇرجار باعىتى بويىنشا، كەشكى ساعات 5-تە سەمەي - بارلىق - اراسان باعىتى بويىنشا جانە سەمەي- ماقانشى باعىتى بويىنشا اۆتوبۋس قاتىنايدى. شامامەن ساپار ۋاقىتى - 10-12 ساعات. بيلەت باعاسى 3800 تەڭگەدەن باستالادى. سەمەيدەن اۆتوبۋس كۇن سايىن ساعات 20.00-دە الاكول كولىنە جەتكىزەدى. جازدا اۆتوبۋستار سانى ارتادى. بۇل تۋرالى اۆتوۆوكزالدىڭ سايتىندا تولىعىراق جازىلعان.
