«الەم ارۋى-2021» بايقاۋىندا قازاقستان اتىنان كىم قاتىسادى
«قازاقستان ارۋى» ۇلتتىق سۇلۋلىق بايقاۋى نۇر-سۇلتانداعى وتەتىن ءداستۇرلى شوۋدى 2021-جىلعا اۋىستىرۋ تۋرالى شەشىم قابىلدادى.
كوروناۆيرۋس ىندەتىنىڭ وسىنداي قيىن كەزەڭىندە جارىستى ۇيىمداستىرۋشىلار مەن قاتىسۋشىلاردىڭ بارلىق نازارى قايىرىمدىلىق جانە الەۋمەتتىك جوبالاردى جۇزەگە اسىرۋعا باعىتتالدى.
«بايقاۋعا قاتىسۋشىلار قازاقستاننىڭ بارلىق اۋماعىندا وسى قيىن كەزەڭدە قايىرىمدىلىق جۇمىسىنا بەلسەنە قاتىستى: ولار پاندەميامەن كۇرەستە دارىگەرلەرگە، از قامتىلعان وتباسىلارعا كومەكتەستى. اسىرەسە، وسى كۇردەلى كەزەڭدە «قىزىلوردا ارۋى - 2019» - 18 جاستاعى كاميللا سەرىكباي باسقالارعا كومەكتەسكىسى كەلەتىندىگىمەن ەرەكشەلەندى. سوندىقتان «قازاقستان ارۋى» بايقاۋىنىڭ ديرەكتسياسى ونى «الەم ارۋى - 2021» بايقاۋىنا جىبەرۋگە شەشىم قابىلدادى. ونىڭ حالىقارالىق الەم ارۋى بايقاۋىندا ءبىزدىڭ ەلىمىزدى لايىقتى تۇردە تانىستىراتىندىعىنا سەنىمدىمىز»، - دەپ جازدى «قازاقستان ارۋى «ۇلتتىق كونكۋرسىنىڭ ۇيىمداستىرۋشىلارى Instagram-داعى پاراقشاسىندا.
كاميللا سەرىكباي 2019-جىلى «قىزىلوردا ارۋى» اتاعىن جەڭىپ الدى. سۋلەيمان دەميرەل اتىنداعى ۋنيۆەرسيتەتتە «قولدانبالى قۇقىق» ماماندىعى بويىنشا وقىدى.
كاراتەمەن بالا كەزىنەن اينالىسادى، سپورت شەبەرى. ول ب ۇ ۇ- نىڭ ىزگى نيەت ەلشىسى بولۋدى ارماندايدى.
