پرەمەر-مينيستر 2021-جىلى ازىرلەنەنەتىن ماڭىزدى زاڭ جوبالارى تۋرالى ايتتى

ايتا كەتەيىك، وتىرىس بارىسىندا ق ر ۇكىمەتىنىڭ زاڭ جوبالاۋ جۇمىستارىنىڭ 2020-جىلعا ارنالعان جوسپارىنىڭ ورىندالۋ بارىسى قارالدى.

«وسى جىلعى زاڭ جوبالاۋ جۇمىستارى جوسپارى ورىندالدى دەپ ەسەپتەيمىز. جوسپارلانعان 22 زاڭ جوباسىنىڭ بارلىعى پارلامەنتكە ەنگىزىلدى. ولاردىڭ ىشىندە ەڭ ماڭىزدىلارى «ارداگەرلەر تۋرالى»، «تەحنيكالىق رەتتەۋ تۋرالى»، «ارنايى تاۋارلاردى باقىلاۋ تۋرالى» زاڭ جوبالارى بولدى»، - دەدى پرەمەر-مينيستر.

ونىڭ ايتۋىنشا، 2021-جىلعا ارنالعان جوسپاردا 25 زاڭ جوباسى كوزدەلىپ وتىر، ونىڭ التاۋى مەملەكەت باسشىسىنىڭ 2020-جىلعى 1- قىركۇيەكتەگى جولداۋىنان تۋىندايدى.

بۇل - سايلاۋ، سىبايلاس جەمقورلىققا قارسى كۇرەس جانە بيرجالىق ساۋدانى دامىتۋ ماسەلەلەرى تۋرالدى زاڭ جوبالارى.

«2021-جىلعا ارنالعان جوسپاردا گەودەزيا، بيولوگيالىق قاۋىپسىزدىك، اسكەري پوليتسيا جانە قوعامدىق باقىلاۋ ماسەلەلەرى بويىنشا ماڭىزدى زاڭ جوبالارى بار. جالپى، 2020-جىلعى زاڭ جوبالاۋ جوسپارىن ورىندالدى دەپ تانىپ، 2021-جىلعا ارنالعان زاڭ جوبالاۋ جۇمىستارى جوسپارىن ماقۇلداۋدى ۇسىنامىن. زاڭ جوبالارىن ساپالى، ۋاقىتىندا ازىرلەپ، ۇسىنۋ ءۇشىن مەملەكەتتىك ورگانداردىڭ ءبىرىنشى باسشىلارى جەكە جاۋاپتى بولادى. مەنىڭ تاپسىرمام بويىنشا ۇكىمەت رەگلامەنتىنە ازىرلەۋشى ورگانداردىڭ ءبىرىنشى باسشىلارىنىڭ دەربەس جاۋاپتىلىعى تۋرالى تۇزەتۋلەر ەنگىزىلدى. وسىعان وراي، مينيسترلەر زاڭ جوبالارىنىڭ ازىرلەنۋىن جانە ۇكىمەت پەن پارلامەنتكە ۋاقتىلى ۇسىنىلۋىن قاتاڭ باقىلاۋدى قامتاماسىز ەتۋى قاجەت»، - دەدى ا. مامين.

جوسپاردىڭ ورىندالۋىن جالپى ۇيلەستىرۋ مەن باقىلاۋ ادىلەت مينيسترلىگىنە جۇكتەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى