قازاقستاندىق ۆاكسينامەن جاپپاي ەگۋ 2021 - جىلدىڭ ناۋرىز ايىندا باستالادى
بۇگىنگى تاڭدا ع ز ي وتاندىق QazCovid-in ۆاكسيناسىن كلينيكالىق سىناۋدىڭ I جانە II فازالارىن جۇرگىزدى. زەرتتەۋدىڭ الدىن الا ناتيجەلەرى ۆاكسينانىڭ جوعارى قاۋىپسىزدىگىن، يممۋنوگەندىلىگىن جانە تيىمدىلىگىن % 96 دەڭگەيىندە كورسەتتى. دەنساۋلىق ساقتاۋ مينيسترلىگى ءۇش مىڭ ەرىكتىگە كلينيكالىق زەرتتەۋلەردىڭ قورىتىندى III كەزەڭىنىڭ باستالۋىن ماقۇلدادى. بۇگىندە العاشقى ەرىكتىلەر الماتى جانە تاراز قالالارىنىڭ كلينيكالارىندا، ع ز ي- دا وتاندىق ۆاكسينامەن ەگىلدى. 2020 -جىلعى جەلتوقسان ايىنىڭ سوڭىنا دەيىن ءۇش مىڭ ەرىكتىنى ۆاكسيناتسيالاۋ اياقتالادى. III كەزەڭدى وتكىزۋ ءۇشىن 10 مىڭ دوزا كولەمىندە ۆاكسينانىڭ قاجەتتى پارتياسى شىعارىلادى.
«وتاندىق ۆاكسينامەن جاپپاي ەگۋ 2021 -جىلدىڭ ناۋرىز ايىندا باستالادى. ءبىرىنشى كەزەكتە ەرىكتى تۇردە مەديتسينا قىزمەتكەرلەرىنە، پەداگوگتەرگە، سونداي- اق سوزىلمالى اۋرۋلارمەن اۋىراتىن توپتاعى ادامدارعا ەكپە جاسالادى»، - دەدى ا. مامين.
پرەمەر- مينيستر ۆاكسينا شىعاراتىن بيوفارماتسيەۆتيكا زاۋىتىنىڭ قۇرىلىسىمەن تانىستى. قۇرىلىس جۇمىستارى كەستەگە سايكەس جۇرگىزىلۋدە. زاۋىتتى 2021 -جىلى ناۋرىز ايىندا پايدالانۋعا بەرۋ جوسپارلانىپ وتىر. ءوندىرىستىڭ قۋاتى جىلىنا 60 ميلليون دوزانى قۇرايدى. ۇكىمەت باسشىسى يممۋنوبيولوگيالىق دارىلىك پرەپاراتتاردىڭ، ونىڭ ىشىندە كوروناۆيرۋس ينفەكسياسىنا قارسى ۆاكسينالاردىڭ وتاندىق ءوندىرىسىن قامتاماسىز ەتۋ ءۇشىن ق ر ب ع م بيولوگيالىق قاۋىپسىزدىك پروبلەمالارى ع ز ي ماتەريالدىق- تەحنيكالىق بازاسىن ودان ءارى دامىتۋ مەن جاڭعىرتۋدىڭ ماڭىزدىلىعىن اتاپ ءوتتى.
پرەمەر- مينيستر ع ز ي عىلىمي قىزمەتكەرلەرىنە ارنالعان 180 پاتەرلىك ءۇش ءۇيدىڭ قۇرىلىس الاڭىنا باردى. 60 پاتەرلىك العاشقى تۇرعىن ءۇي 2021 - جىلى قاڭتار ايىندا پايدالانۋعا بەرىلەدى. الدىن الا بولجامعا سايكەس، قازاقستاندا كوروناۆيرۋسقا قارسى ۆاكسينا 65 جاستان اسقان، جۇرەك- قان تامىرى اۋرۋى، قانت ديابەتى جانە سوزىلمالى وكپە اۋرۋلارى بار تاۋەكەل توبىنا كىرەتىن ادامدارعا جانە مەديتسينا قىزمەتكەرلەرىنە سالىناتىن بولادى.
ۆاكسينا الاتىنداردىڭ بولجامدى سانى 2347000 ادامدى قۇرايدى. دەنساۋلىق ساقتاۋ مينيسترلىگى ۆاكسينالاۋ - ينفەكسيالىق اۋرۋلاردان قورعانۋدىڭ ءتيىمدى ءادىسى ەكەنىن جەتكىزدى. قازاقستاندىق عالىمدار 7 ۆاكسينا دايىنداۋ تەحنولوگياسىن جاسادى. كوروناۆيرۋسقا قارسى ۆاكسينا سالىناتىن تاۋەكەل توبىنداعى ادامدار ايقىندالدى. سونىمەن قاتار، ەلىمىزدە كوروناۆيرۋسقا قارسى ۆاكسينا الاتىن ادامدار كونتينگەنتى كەڭەيتىلەدى.
