قازاقستاندىقتار 2021-جىلى نەشە كۇن دەمالادى؟

ەڭبەك جانە حالىقتى الەۋمەتتىك قورعاۋ مينيسترلىگى 2021-جىلعا ارنالعان وندىرىستىك كۇنتىزبەنى جاريالادى.

قازاقستاندىقتار قاڭتاردا 4 كۇن دەمالادى: 1، 2- قاڭتاردا جاڭا جىلدى تويلاۋعا (2- قاڭتار سەنبىگە تۇسەتىندىكتەن، دەمالىس 4- قاڭتارعا اۋىستىرىلادى) جانە 7- قاڭتاردا پراۆوسلاۆيەلىك روجدەستۆو اتاپ وتىلەدى.

ەڭ ۇزاق دەمالىس كوكتەمگە كەلەدى - دەمالىس كۇندەرىنىڭ سانى مەرەكەلەرمەن بىرگە قوسقاندا 33 كۇن.

ناۋرىز ايىندا قازاقستاندىقتار ەكى مەرەكە: 8- ناۋرىز — حالىقارالىق ايەلدەر كۇنى جانە 21-23- ناۋرىز ارالىعىندا اتاپ وتىلەتىن ناۋرىز - 12 كۇن دەمالىس. ناۋرىزدىڭ ءبىرىنشى كۇنى جەكسەنبىگە تۇسەتىندىكتەن، دەمالىس 24- ناۋرىزعا اۋىستىرىلادى.

مامىر ايىندا قازاقستان ءۇش مەملەكەتتىك مەرەكەنى اتاپ وتەدى: 1- مامىر — قازاقستان حالقىنىڭ بىرلىگى كۇنى، 7- مامىر — وتان قورعاۋشىلار كۇنى جانە 9- مامىر — جەڭىس كۇنى.

ەكى مەرەكە دەمالىس كۇندەرىنە تۇسەتىندىكتەن، 1- مامىر سەنبىدەن 3- مامىر دۇيسەنبىگە دەيىن جانە 9- مامىر جەكسەنبىدەن 10- مامىر دۇيسەنبىگە دەيىن. دەمەك مامىر ايىندا ەكى دەمالىس جانە مەرەكە كۇندەرىن ەسكەرە وتىرىپ، قازاقستاندىقتار 13 كۇن دەمالادى.

شىلدە ايىندا ەكى مەرەكە بار: مەملەكەتتىك جانە ءدىني. استانا كۇنى (6- شىلدە) سەيسەنبىگە كەلەدى، ءبىراق مۇندا دەمالىستى اۋىستىرىلادى — 3- شىلدە (سەنبى) جۇمىس كۇنى بولىپ تاعايىندالدى.

وسىلايشا قازاقستاندىقتار قاتارىنان ءۇش كۇن دەمالادى — 4، 5- جانە 6- شىلدە.

قۇربان ايتتى 2021-جىلى مۇسىلماندار 20- شىلدەدە اتاپ وتەدى.

تامىز ايىنىڭ 30 ى كونستيتۋتسيا كۇنى اتاپ وتىلەدى. بەس كۇندىك جۇمىس اپتاسىندا قازاقستاندىقتار قاتارىنان ءۇش كۇن — 28، 29- جانە 30- تامىزدا دەمالا الادى.

جەلتوقسان ايىندا قازاقستاندىقتار 1- جەلتوقساندا (تۇڭعىش پرەزيدەنت كۇنى)، 16- جانە 17- جەلتوقساندا (تاۋەلسىزدىك كۇنى) دەمالادى.

بەس كۇندىك جۇمىس اپتاسىن ەسكەرە وتىرىپ، قازاقستاندىقتار قاتارىنان ءتورت كۇن دەمالادى — 16، 17، 18- جانە 19- جەلتوقساندا، 20 سى كۇنى جۇمىسقا شىعادى.

قازاقستانداعى ۇلتتىق جانە مەملەكەتتىك مەرەكەلەر قاتارىندا:

جاڭا جىل - 1-2- قاڭتار؛

7- قاڭتار - پراۆوسلاۆيەلىك روجدەستۆو؛

8- ناۋرىز - حالىقارالىق ايەلدەر كۇنى؛

ناۋرىز مەيرامى-21-23- ناۋرىز؛

1- مامىر - قازاقستان حالقىنىڭ بىرلىگى مەرەكەسى؛

7- مامىر - وتان قورعاۋشىلار كۇنى؛

9- مامىر - جەڭىس كۇنى؛

استانا كۇنى 6- شىلدە؛

قۇربان ايتتىڭ ءبىرىنشى كۇنى (2021-جىلى 20- شىلدە)؛

كونستيتۋتسيا كۇنى - 30- تامىز؛

قازاقستاننىڭ تۇڭعىش پرەزيدەنتى كۇنى -1- جەلتوقسان؛

تاۋەلسىزدىك كۇنى - 16-17- جەلتوقسان.

stan.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى