قازاقستاننىڭ 2021-جىلعى قاڭتارداعى دەپوزيت بويىنشا سىياقى مولشەرلەمەسى بەكىتىلدى
ولار بۇرىنعى دەڭگەيىندە ساقتالدى.
بۇل تۋرالى قازاقپارات قوردىڭ باسپا ءسوز قىزمەتىنە سىلتەمە جاساپ حابارلايدى.
«قازاقستاننىڭ ۇلتتىق بانكىنىڭ بازالىق مولشەرلەمەسىنىڭ ءمانى قايتا قارالماعاندىقتان، قىسقا مەرزىمدى دەپوزيتتەر بويىنشا ۇسىنىلاتىن ماكسيمالدى مولشەرلەمەلەر وزگەرىسسىز قالادى. ولار بازالىق مولشەرلەمەگە سايكەستەندىرىلگەندىگىن ايتا كەتكەن ءجون. سونداي-اق نارىقتىق ترەندتەر نەگىزىندە ەسەپتەلەتىن ۇزاق مەرزىمدى دەپوزيتتەر بويىنشا مولشەرلەمەلەر دە ساقتالدى. تولىقتىرۋ قۇقىعى جوق، 12 ايعا ارنالعان جيناق سالىمدار تەڭگەلىك دەپوزيتتەر ىشىندە ەڭ تابىستىسى بولىپ قالا بەرمەك - %14»، - دەلىنگەن حابارلامادا.
ايتا كەتسەك، جيناق دەپوزيتتەردىڭ ەرەكشە وزگەشەلىكتەرىنىڭ ءبىرى - مەرزىمىنەن بۇرىن اقشا الۋعا قاتاڭ شەكتەۋ قويىلعاندىعىندا. سول ءۇشىن دە بانكتەر ولار بويىنشا ەڭ جوعارى مولشەرلەمەلەر ۇسىنادى.
ودان باسقا، تەڭگەدەگى جيناق دەپوزيتتەر بويىنشا 15 ميلليون تەڭگە كولەمىندە جوعارى كەپىلدىك سوماسى قاراستىرىلعان.
