جاستار ساياساتىن دامىتۋدىڭ 2021 -جىلعا دەيىنگى جول كارتاسى ازىرلەندى - قىزىلوردا وبلىسى

 جول كارتاسىنا 10 باعىت بويىنشا 31 نىسانالى ينديكاتور ەنگىزىلگەن. وسى ارقىلى ءوڭىر جاستارى اراسىندا قالىپتاسىپ وتىرعان الەۋمەتتىك پروبلەمالاردى كەزەڭ- كەزەڭىمەن شەشۋ، تابىستى، باسەكەگە قابىلەتتى جانە ۇلتجاندى جاس قازاقستاندىقتاردى قالىپتاستىرۋ ماقساتىندا سالالارالىق بايلانىس كۇشەيتىلەدى.

 بۇل تۋرالى وڭىرلىك كوممۋنيكاتسيالىق قىزمەتىندەگى بريفينگتە وبلىستىق جاستار ساياساتى ماسەلەلەرى باسقارماسىنىڭ باسشىسى ەركەبۇلان مەڭلىبايەۆ باياندادى. جاستار اراسىندا قۇقىق بۇزۋشىلىقتىڭ الدىن الۋ، كامەلەتكە تولماعاندار اراسىنداعى قىلمىستىڭ وسۋىنە جول بەرمەۋ دە باستى نازاردا تۇر. وسى باعىتتاعى جۇمىستاردى ۇيلەستىرۋ ماقساتىندا «وبلىس بويىنشا NEET ساناتىنداعى جاستارمەن جۇمىس جاساۋ جونىندەگى ءىس- شارالار جوسپارى» بەكىتىلدى. جوسپار اياسىندا جاستارعا قىلمىستىڭ الدىن الۋ شارالارىن ناسيحاتتاۋ ماقساتىندا وتكىزىلگەن كەزدەسۋلەر بارلىق جوعارى، تەحنيكالىق جانە كاسىپتىك ءبىلىم بەرۋ ۇيىمدارى مەن اۋدانداردا، 36 اۋىلدىق وكرۋگتە ءوتىپ، وعان 6000-نان استام جاس تارتىلدى. كەزدەسۋدە جاستار تاربيەسى، ۇلتتىق قۇندىلىقتارىمىزدى ساقتاۋ ماقساتىندا تۇسىندىرمە جۇرگىزىلىپ، ارنايى ازىرلەنگەن بەينەروليكتىڭ كورسەتىلىمى ۇيىمداستىرىلدى. سونداي- اق، وبلىس اكىمدىگىنىڭ احۋالدىق ورتالىعىندا NEET ساناتىنداعى جاستاردىڭ مودۋلى قۇرىلۋدا. مودۋلدىڭ نەگىزگى ماقساتى - وسى ساناتتاعى جاستار كورسەتكىشىنىڭ ءوسۋ ديناميكاسىن باقىلاۋ جانە اسەر ەتۋشى فاكتورلاردى انىقتاۋ، ولارمەن ناقتى جۇمىس جۇرگىزۋ.

 اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى