سايلاۋ-2021: شەتەلدە جۇرگەن 4532 قازاقستان ازاماتى داۋىس بەردى
بۇل تۋرالى ق ر سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشيەۆ ايتتى، دەپ حابارلايدى قازاقپارات ءتىلشىسى.
«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭعا سايكەس، داۋىس بەرۋ جەرگىلىكتى ۋاقىت بويىنشا ساعات 07:00 دەن 20:00 گە دەيىن وتكىزىلەدى.
ساعات 19:00 دەگى جاعداي بويىنشا شەتەلدە جالپى العاندا 4532 قازاقستان ازاماتى داۋىس بەردى.
ءتۇرلى ۋاقىت بەلدەۋلەرىندە ورنالاسۋىن ەسكەرە وتىرىپ، جاپونيا مەن كورەيا رەسپۋبليكاسىندا جۇرگەن ازاماتتار ءبىرىنشى بولىپ داۋىس بەردى»، - دەدى ول.
ونىڭ اتاپ وتۋىنشە، قازىرگى ۋاقىتتا 10 سايلاۋ ۋچاسكەسىندە داۋىس بەرۋ اياقتالدى. قالعان 56 سايلاۋ ۋچاسكەسىندە داۋىس بەرۋ جالعاسىپ جاتىر.
«سوڭعى بولىپ وسى جىلدىڭ 11- قاڭتارىندا نۇر-سۇلتان ۋاقىتى بويىنشا تاڭعى ساعات 07:00 دە امەريكا قۇراما شتاتتارى مەن كاناداعى قازاقستان ازاماتتارى داۋىس بەرۋدى اياقتايدى»، - دەدى شاحرات نۇرىشيەۆ.
