توكيو-2020: بۇگىنگى جارىستى جەڭىسپەن باستاعان ەكى بالۋاندا ۇتىلىپ قالدى
67 كەلىگە دەيىنگى سالماق دارەجەسىندە توكيو بوزكىلەمىنە شىققان داۋلەت نيازبەكوۆ جارىستىڭ ەكىنشى اينالىمىندا قارسىلاسىنا جول بەردى. ول ءۇش دۇركىن الەم چەمپيونى جانە ريو وليمپياداسىنىڭ قولا جۇلدەگەرى ءازىربايجاندىق ناجي اليەۆپەن كەزدەستى. كەزدەسۋ 9:1 ەسەبىمەن اياقتالىپ، ازەربايجان وكىلى جارتىلاي فينالعا شىقتى.
ايتا كەتەرلىگى، ناجي اليەۆ فينالعا شىققان جاعدايدا جۇبانىش بەلدەسۋىندە كۇرەسۋگە مۇمكىندىك الادى.
سونداي - اق، قازاقستاندىق بالۋان الىشەر ەرعالي وليمپيادا ويىندارىن شيرەك فينالدا اياقتادى.
97 كەلى سالماقتا سىنعا تۇسكەن الىشەر ەرعالي جارتىلاي فينالدىق جولدامانى تۇركيالىق سۋلەيمان كارادەنيزبەن ساراپقا سالدى. تارتىستى بەلدەسۋ 8:7 ەسەبىمەن تۇركيالىق بالۋاننىڭ ەنشىسىنە شەشىلىپ، الىشەر ەرعالي ۇتىلىپ قالدى.
فوتو: جەڭىس ىسقاباي، قازاقستان ۇ و ك
