توكيو-2020: وليمپيادا ويىندارى باستالماي جاتىپ، جانجال شىقتى

اۋەلدە وليمپيادا ويىندارىنا ءوتىنىش بەرگەندە، پولشانىڭ جۇزۋدەن ۇلتتىق قۇراماسىندا 23 سپورتشى تىركەلىپتى. الايدا قۇجاتتا قاتەلىپ كەتىپ، تىزىمدە 17 ادام قالعان ەكەن. سپورتشىلار مۇنى توكيوعا ۇشىپ كەلگەندە عانا بىلسە كەرەك. سوندىقتان التاۋى ويىنعا قاتىسپاي، كەرى قايتقان. ەندى اتلەتتەر پولشانىڭ ءجۇزۋ فەدەراتسياسىنىڭ پرەزيدەنتىنىڭ وتستاۆكاعا كەتۋىن تالاپ ەتىپ وتىر.

اليسيا چۋرج، سپورتشى:

- تىزىمدە ەسىمىم جوق ەكەنىن ەستىپ، كوڭىلىم ءتۇسىپ كەتتى. اشۋىم دا كەلىپ تۇر. ءبىز بۇل ويىندارعا ۇزاق ۋاقىت بويى دايىندالدىق. جەكە ءومىرىمىزدى شەتكە ىسىرىپ قويىپ، بار كۇش- جىگەرىمىزدى وسى دوداعا جۇمسادىق.

بۇعان دەيىن توكيوداعى وليمپياداعا قاتىستى تاعى ءبىر جانجال شىققان ەدى. ۋگاندادان كەلگەن اۋىر اتلەت پ ت ر- تەست تاپسىرۋ الدىندا قوناق ۇيدەن جوعالىپ كەتكەن. ول وتانىنا كەرى قايتپاي، جاپونيادا جۇمىس ىستەگىسى كەلەتىنى تۋرالى حات قالدىرعان ەكەن. ەندى قازىر 20 جاستاعى سپورتشىنى ىزدەستىرۋ جۇمىستارى ءجۇرىپ جاتىر.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى