قۋاتتى مەملەكەتتەردىڭ 2020-جىلعا ارنالعان اسكەري شىعىنى بەلگىلى بولدى
بۇل تۋرالى ستوكگولمدەگى حالىقارالىق بەيبىتشىلىكتى زەرتتەۋ ينستيتۋتى (SIPRI) حابارلادى.
1,98 تريلليون دوللار 2019-جىلمەن سالىستىرعاندا 2,6 پايىزعا كوپ.
2020-جىلى جالپى اسكەري شىعىنداردىڭ 62 پايىزى بەسەلگە تيەسىلى. ولار: ا ق ش، قىتاي، ءۇندىستان، رەسەي جانە ۇلى بريتانيا.
امەريكا قۇراما شتاتتارى - 778 ميلليارد دوللار؛
قىتاي - 252 ميلليارد دوللار؛
ءۇندىستان - 72,9 ميلليارد دوللار؛
رەسەي - 61,7 ميلليارد دوللار؛
ۇلى بريتانيا - 59,2 ميلليارد دوللار
كەيىنگى 26 جىلدا قىتايدىڭ اسكەري شىعىنى تۇراقتى تۇردە ءوسىپ كەلە جاتقانى ەسكەرىلگەن.
زەرتتەۋشىلەر اتاپ وتكەن تاعى ءبىر دەرەك - پاندەميانىڭ العاشقى جىلىندا دا، جالپى ىشكى ءونىم (ج ءى ءو) 4,4 پايىزعا قىسقارعان كەزدە دە، اسكەري شىعىندار كوبەيگەن.
ناتيجەسىندە الەمدىك ج ءى ءو- دەگى اسكەري شىعىنداردىڭ ۇلەسى 2019-جىلعى %2,2 دان %2,4 عا دەيىن وسكەن.
بىلتىر چيلي مەن وڭتۇستىك كورەيا سياقتى ەلدەردە اسكەري بيۋجەتتەر قايتا قۇرىلدى، ال برازيليا مەن رەسەيدە اسكەري شىعىندار قىسقارتىلدى. اتاپ ايتقاندا، رەسەي قورعانىسقا بيۋجەتتە جوسپارلانعاننان 6,6 پايىزعا از قاراجات جۇمساعان.
«ءبىز 2020-جىلعى پاندەميانىڭ الەم ەلدەرىنىڭ قورعانىس سالاسىنا ايتارلىقتاي اسەر ەتپەگەنىن بايقاي الامىز. پاندەميانىڭ ەكىنشى جىلىندا مەملەكەتتەر وسى دەڭگەيدەگى اسكەري شىعىنداردى ساقتاي ما، جوق پا، ونى ناقتى ايتۋ قيىن»، - دەيدى دوكتور SIPRI قارۋ-جاراق پەن اسكەري شىعىندار باعدارلاماسىنىڭ زەرتتەۋشىسى ديەگو لوپەس دا سيلۆا.
2020-جىلى ا ق ش- تىڭ اسكەري شىعىندارى شامامەن 778 ميلليارد دوللاردى قۇراپ، 2019-جىلداعىدان 4,4 پايىزعا كوپ بولعان. بۇل الەمدەگى اسكەري ينۆەستيتسيانىڭ 39 پايىزى.
ا ق ش اسكەري شىعىندارىنىڭ 7 جىلدىق ازايۋىنان كەيىن سوڭعى ءۇش جىلدا تۇراقتى ءوسۋ ءۇردىسى بايقالدى.
«ا ق ش- تىڭ اسكەري شىعىستارىنىڭ جاقىندا ارتۋى، ەڭ الدىمەن، عىلىمي-زەرتتەۋ جۇمىستارىنا جانە ا ق ش يادرولىق ارسەنالىن جاڭارتۋ جانە اۋقىمدى قارۋ-جاراق ساتىپ الۋ سياقتى ۇزاق مەرزىمدى جوبالارعا سالىنعان ءىرى ينۆەستيتسيالارعا بايلانىستى بولۋى مۇمكىن. سونداي-اق، قىتاي مەن رەسەي سياقتى ستراتەگيالىق باسەكەلەستەردىڭ ىقتيمال قاۋىپتەرى ترامپ اكىمشىلىگىن سالانى قارجىلاندىرۋدى كوبەيتۋگە ءماجبۇر ەتتى»، - دەيدى SIPRI زەرتتەۋشىسى الەكساندرا ماركشتەينەر.
ناتوعا مۇشە ەلدەردىڭ بارلىعى دەرلىك 2020-جىلعا قاراي اسكەري شىعىندارىن كوبەيتتى. ۇيىمنىڭ ون ەكى مۇشەسى اسكەري قىزمەتكە ج ءى ءو- ءنىڭ 2 جانە ودان كوپ پايىزىن جۇمساعان.
massaget.kz
