ءۇش قالادا 2020 -جىلى وڭالتۋ ورتالىقتارىنىڭ قۇرىلىسى باستالادى
باسپاءسوز قىزمەتىنىڭ حابارلاۋىنشا، شاراعا ق ر پرەمەر- ءمينيسترىنىڭ ورىنباسارى بەردىبەك ساپاربايەۆ، ق ر پرەزيدەنتىنىڭ كومەكشىسى – ق ر پرەزيدەنتى اكىمشىلىگىنىڭ وتىنىشتەرىن قاراۋدى باقىلاۋ ءبولىمىنىڭ مەڭگەرۋشىسى ايدا بالايەۆا، ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ، يندۋستريا جانە ينفراقۇرىلىمدىق دامۋ، دەنساۋلىق ساقتاۋ، ءبىلىم جانە عىلىم، سيفرلىق دامۋ، يننوۆاتسيا جانە اەروعارىش ونەركاسىبى ۆيتسە- مينيسترلەرى، مۇگەدەكتەردىڭ قوعامدىق بىرلەستىكتەرىنىڭ باسشىلارى، سونداي- اق قازاقستاننىڭ بارلىق وڭىرلەرىنەن سەلەكتورلىق رەجىمدە مۇگەدەكتىگى بار ادامدار قاتىستى.
ب. ساپاربايەۆ قازاقستاندا 690 مىڭ مۇگەدەكتىگى بار ادامدار تۇراتىنىن جانە مەملەكەت دەڭگەيىندە ولاردىڭ وزەكتى ماسەلەلەرىن شەشۋگە كوپ كوڭىل بولىنەتىنىن اتاپ ءوتتى.
«قازاقستاندا مۇگەدەكتىگى بار ادامداردى قولداۋ ماسەلەلەرىنە ەرەكشە كوڭىل بولىنەدى. اعىمداعى جىلى جاردەماقى تولەۋگە جانە مۇگەدەكتىگى بار ادامداردى ارنايى الەۋمەتتىك قىزمەتتەرمەن جانە تەحنيكالىق وڭالتۋ قۇرالدارىمەن قامتاماسىز ەتۋگە 400 ميلليارد تەڭگە كوزدەلدى. الداعى ۋاقىتتا ولاردى الەۋمەتتىك قولداۋعا 448 ميليارد تەڭگە بولىنەدى. سونىمەن قاتار، 2020 -جىلى نۇر- سۇلتان، الماتى جانە كوكشەتاۋ قالالارىندا وڭالتۋ ورتالىقتارىنىڭ قۇرىلىسى باستالادى. بۇگىن ءبىز مۇگەدەكتىگى بار ادامداردىڭ الەۋمەتتىك وڭالتۋ تيىمدىلىگىن ارتتىرۋعا، كەدەرگىسىز ورتانى قامتاماسىز ەتۋگە، مۇگەدەكتىكتىڭ پروفيلاكتيكاسى مەن الدىن الۋعا، بىلىمگە قولجەتىمدىلىككە بايلانىستى ماسەلەلەردى تالقىلاۋ ءۇشىن جينالىپ وتىرمىز» ، - دەدى ق ر پرەمەر- ءمينيسترىنىڭ ورىنباسارى.
جيىندا ءسوز العان ق ر ەڭبەك جانە حالىقتى الەۋمەتتىك قورعاۋ ۆيتسە- ءمينيسترى ەرلان اۋكەنوۆ مۇگەدەكتەردى الەۋمەتتىك قولداۋدىڭ جاڭا قادامدارىن ءتۇسىندىردى.
«جەكە كومەكشىلەردىڭ قىزمەتتەرىن ۇسىناتىن ۇ ە ۇ- عا كوپتەگەن شاعىمدار كەلىپ تۇسەدى. اتاپ ايتقاندا، ولاردىڭ قىزمەتىنىڭ اشىق ەمەستىگى، اكىمشىلىك شىعىندارعا قاراجاتتىڭ%10 ىن ۇستاپ قالادى، قىزمەتتەرگە ۋاقتىلى تولەمەۋ، جۇمىس ىستەگەن ۋاقىت سانىن دۇرىس باعالاماۋ جانە باسقا دا ماسەلەلەر. مۇگەدەكتىگى بار ادامداردىڭ نارازىلىعىن جەكە كومەكشىلەر ءۇشىن الەۋمەتتىك پاكەتتىڭ جوقتىعى، كورسەتىلەتىن قىزمەتتەردى باقىلاۋدىڭ ءتيىمدى تەتىگىنىڭ جوقتىعى، بولۋ ورنى مەن ۋاقىتى تۋرالى ەسەپ بەرۋ قاجەتتىلىگى، سونداي- اق جەكە كومەكشىلەردىڭ قىزمەتتەرى شەكتەۋلى بولۋى ماسەلەسى تۋدىردى» ، - دەدى ول.
اۋكەنوۆتىڭ ايتۋىنشا، مۇگەدەكتەرمەن بەلگىلەنگەن ماسەلەلەردى شەشۋ ءۇشىن 2015 -جىلعى 22 - قاڭتارداعى قولدانىستاعى بۇيرىققا جەكە كومەكشىلەردىڭ قىزمەت كورسەتۋىن رەتتەيتىن، جەكە كومەكشىلەردىڭ قىزمەت كورسەتۋلەرى بويىنشا ەڭ كوپ ساعات كولەمىن ايىنا 176 ساعاتتان اسىرماي بەلگىلەۋ؛ ۇەۇ- نى اكىمشىلىك شىعىندارعا %5 دان اسىرماي ۇستاپ قالۋدى قاراستىراتىن نورمالاردى ەنگىزۋ؛ قىزمەت كورسەتۋدىڭ ءبىرىڭعاي ستاندارتتارىن جانە جەكە كومەكشىلەرگە قويىلاتىن تالاپتاردى انىقتاۋ بولىگىندە وزگەرىستەر ەنگىزىلەتىن بولادى.
بۇل رەتتە، مۇگەدەكتىگى بار ادامداردىڭ ەسكەرتۋلەرىن ەسكەرە وتىرىپ، بۇيرىق جوباسىنان جاقىن تۋىستارىنا جەكە كومەكشىلەر قىزمەتىن كورسەتۋگە تىيىم سالاتىن نورما الىنىپ تاستالدى.
ۆيتسە- مينيستر 2020 -جىلعى شىلدەدەن باستاپ جەكە كومەكشىلەردىڭ قىزمەتتەرى الەۋمەتتىك قىزمەتتەر پورتالىنا اۋىستىرىلاتىنىن، سودان كەيىن شارتتى مۇگەدەكتىگى بار ادامنىڭ ءوزى جەكە كومەكشىسىمەن نەمەسە ۇەۇ- مەن جاسايتىنىن حابارلادى. قىزمەتتى پورتالعا اۋىستىرۋ باس پروكۋراتۋرا مەن سىبايلاس جەمقورلىققا قارسى ءىس- قيمىل اگەنتتىگى انىقتاعان وسى سالاداعى بۇزۋشىلىقتاردى ازايتۋعا مۇمكىندىك بەرەدى.
«بۇدان باسقا، كوپتەگەن وتىنىشتەر مەديتسينالىق- الەۋمەتتىك ساراپتامادان وتۋگە جانە مۇگەدەكتىكتى بەلگىلەۋگە بايلانىستى. مۇگەدەكتىگى بار ادامدار قولايسىز وڭالتۋ بولجامى بار اۋرۋلار بويىنشا قايتا كۋالاندىرۋدان ءجيى ءوتۋ قاجەتتىگىنە بايلانىستى قولايسىزدىقتاردى بىرنەشە رەت اتاپ ءوتتى» ، - دەپ اتاپ ءوتتى اۋكەنوۆ.
وسى ماسەلەنى شەشۋ ءۇشىن ەڭبەكمينى مەديتسينالىق- الەۋمەتتىك ساراپتاما جۇرگىزۋ قاعيدالارىن ازىرلەدى. اتاپ ايتقاندا، ەرەسەكتەرگە مۇگەدەكتىك 5 جىلعا بەلگىلەنەتىن، ورگانيزم فۋنكتسيالارىنىڭ ايقىن بۇزىلۋىمەن 19 اۋرۋدىڭ تىزبەسى بەكىتىلدى.
سونىمەن بىرگە، 18 جاستان اسقان ادامدارعا مۇگەدەكتىك توبى قايتا كۋالاندىرۋ مەرزىمىنسىز ەكىنشى توپ مۇگەدەكتىگى بەلگىلەنەتىن ەمدەۋگە كەلمەيتىن اناتوميالىق كەمىستىكتەر تىزبەسى كەڭەيتىلدى. سونداي- اق 16 جاسقا دەيىنگى بالا مۇگەدەك دەپ تانىلاتىن مەديتسينالىق كورسەتىلىمدەر تىزبەسى كەڭەيتىلدى.
