ارىستاعى كاسىپكەرلەر 2020 -جىلعا دەيىن سالىقتان بوساتىلادى
5 ميلليون تەڭگەگە دەيىن بەرىلەتىن %1 دىق جەڭىلدەتىلگەن كەپىلسىز نەسيەنىڭ ۋاقىتى - 4 جىل. قازىرگى تاڭدا ارىستاعى كاسىپكەرلەردىڭ ماسەلەسىن شەشۋ ءۇشىن «اتامەكەن» كاسىپكەرلەر پالاتاسىنان 25 قىزمەتكەر كەلىپ، 17 سەكتورعا ءبولىنىپ، قىزمەت اتقارۋدا. ولار 10 كۇن بويى توتەنشە جاعداي سالدارىنان زارداپ شەككەن كاسىپكەرلىك نىساندارىن باعالاپ، ءتيىستى سوماسىن ەسەپتەپ شىعادى. جالپى، ارىس قالاسىندا 346 كاسىپكەرلىك نىسانى تىركەلگەن.
سونىڭ ىشىندە 258 نىسانعا جارىلىس كەزىندە زاقىم كەلگەن. 253 نىسانعا جوندەۋ جۇمىستارى جۇرگىزىلسە، 5 نىسان تولىقتاي قايتا سالىنادى. ءتيىستى قاراجات بولىنۋدە. كەزدەسۋ بارىسىندا وزدەرىنە قاجەتتى كەڭەس العان 2 كاسىپكەرگە 10 ميلليون تەڭگە كرەديت بەرىلەتىن بولدى. سونداي- اق، كاسىبىن دوڭگەلەتىپ وتىرعاندار 2020 -جىلدىڭ 1 - قاڭتارىنا دەيىن سالىقتان بوساتىلادى. جەڭىلدەتىلگەن نەسيە بەرۋ ءۇشىن جەرگىلىكتى بيۋدجەتتەن 200 ميلليون تەڭگە قارجى ءبولىنىپ وتىر. «دامۋ» قورىنان قوسىمشا 300 ميلليون تەڭگە قاراستىرىلادى.
